چرب زبان اداکارہ ریا چکروتی مزاحیہ فلم’’بینک چور‘‘ کی ہیروئن بن گئیں

یش راج بینر کی یہ فلم ایک رولر کوسٹر سواری ہے جس میں اپنے کردار کے لیے بہت خوش ہوں، مقابل اداکار رتیش دیش مکھ ہونگے، فوٹو : فائل

---

KARACHI: بالی ووڈ میں یش راج بینر تلے کامیاب قدم رکھنے والی بزلہ سنج اور چرب زبانی میں مشہور اداکارہ ریا چکروتی اب نئی فلم ''بینک چور '' میں بھی مرکزی کردار کے لیے کاسٹ کر لی گئی ہیں۔

جس میں اداکارہ کا کردار کریکر طرز کا ہوگا اور اس کے مقابل ہیرو رتیش دیش مکھ ہونگے۔ اس موقع پر اداکارہ نے اپنے ایک بیان میں کہا کہ وہ اس نئی فلم میں اپنے کوسٹار رتیش دیش مکھ کے چنے جانے پر بہت خوش ہیں' اداکارہ نے مزید کہا ''بینک چور '' اس کے لیے ایک رولر کوسٹر سواری کی طرح ہے اور وہ اس فلم کا حصہ بننے پر بہت خوش ہے' اس سے قبل بھی ''میرے ڈیڈ کی ماروتی '' کی ٹیم کے ساتھ دھماکا خیز پرفارمنس دی تھی اور مجھے یقین ہے کہ یہ اس سے بڑی اور بہتر فلم ہوگی ''۔

اداکارہ نے اپنے کیریئر کا آغاز ایک وڈیو جوکی کے طور پر کیا اور پھر 2013ء میں بڑے پردے کی فلم ''میرے ڈیڈ کی ماروتی '' میں اداکاری کے جوہر دکھا کر اپنی صلاحیتوں کو منوایا' اسی طرح ایشمان کھرانہ کی فلم ''او ہیریے'' میں بھی وہ نظر آئیں۔ اب ریا چکروتی یش راج ہی کے بینر تلے بڑے پردے کی فلم ''بینک چور '' میں جلوہ گر ہوں گی جب کہ ''میرے ڈیڈ کی ماروتی '' فلم بھی اسی بینر تلے ہی بنی تھی۔ اداکارہ نے کہا کہ بعض اوقات کردار کے لیے اچھوتے پن کی بھی ضرورت ہوتی ہے جس میں آپ کو خوبصورت اور پرجوش نظر آنا پڑتا ہے جب کہ ایسے موقع پر 2 ہزار فی منٹ الفاظ بولنے کی جیسی صلاحیتوں کو ایک طرف رکھنا پڑتا ہے۔

یاد رہے ریا چکروتی اپنی حقیقی زندگی میں ایک منٹ میں 8 ہزار الفاظ بول لیتی ہے' اس موقع پر یش راج فلم کے بزنس اور کیرایٹو ہیڈ اور ٹیلٹن مینجمینٹ مسٹر اشیش پٹیل نے کہا کہ اس نے اپنی بزلہ سنج طبیعت اور دیگر صلاحیتوں کے ساتھ سب کو مات دے رکھی ہے' اشیش پٹیل نے بتایا کہ فلم ''بینک چور '' ایک مزاحیہ شرارتی فلم ہے جس کی کہانی میں تین احمق ایک بینک میں ڈکیتی کی کوشش کرتے ہیں اور اس مقصد کے لیے وہ ایک غلط دن چن لیتے ہیں جب ہر چیز ان کے خلاف جاتی ہے' سب غلط ہو جاتا ہے اور پھر وہ کیسے نادانستہ طور پر پولیس سے مقابلے کے بعد پکڑے جاتے ہیں' جیسا کہ صنعت کار اور بد عنوان سیاستدان ہیں۔ یہ فلم بمپی ڈائریکٹ کر رہے ہیں جب کہ اس کے پروڈیوسر پٹیل ہونگے۔