اسلام آباد:
انسداددہشت گردی عدالت اسلام آباد نے فلسطین سے اظہارِ یکجہتی کے لیے احتجاج پر درج مقدمے میں سابق سینیٹر مشتاق احمد کو بری کر دیا۔
اے ٹی سی کے جج ابوالحسنات محمد ذوالقرنین نے کیس پر سماعت کی۔
عدالت نے مشتاق احمد اور دیگر ملزمان کی بریت کی درخواست منظور کرلی، جس پر تمام ملزمان بری کر دیے گئے۔
واضح رہے کہ سابق سینیٹر مشتاق احمد کو اسلام آباد میں فلسطین سے اظہارِ یکجہتی کے لیے احتجاج کرنے پر گرفتار کرکے مقدمہ درج کیا گیا تھا۔
