آئی سی سی ویمنز ورلڈ کپ کی تیاریوں میں مصروف بنگلہ دیش ویمنز ٹیم کو حیران کن طور پر انڈر15 بوائز کے خلاف وارم اپ میچ میں 87 رنز سے ناکامی کا سامنا کرنا پڑگیا۔
ڈھاکا میں منعقدہ مقابلے میں انڈر 15 بوائز الیون نے 182 رنز بنائے۔ جواب میں ویمنز ٹیم 38 اوورز میں 94 رنز پر ڈھیر ہوگئی۔
اوپنر شرمین سلطانہ 20 رنز کے ساتھ نمایاں رہیں، باقی بیٹنگ لائن حریف بولنگ کے سامنے ناکام رہی۔
یہ غیرمتوقع شکست ورلڈ کپ سے قبل ٹیم کی تیاریوں پر سوالیہ نشان ہے۔ بنگلہ دیشی ٹیم 2 اکتوبر کو کولمبو میں پاکستان کے خلاف میچ سے ورلڈ کپ کے سفر کا آغاز کرے گی۔
