عمران خان کی بہن علیمہ خان نے کہا ہے کہ عدالت میں ججز کو مصیبت پر چکی، سارے کیسز بری طرح سے ایکسپوز ہو رہے ہیں، کیسز کی کچھڑی پکانے والے پھنس چکے ہیں، انھوں نے سمجھا تھا بانی پی ٹی آئی گھبرا کر ڈیل کر لیں گے۔
اسلام آباد ہائی کورٹ کے باہر گفتگو کرتے ہوئے ان کا کہنا تھا کہ انصاف کے تقاضے پورے نہیں کیے جا رہے۔
ان کا کہنا تھا کہ جنھوں نے کیسز کی کھچڑی پکائی تھی وہ پھنس چکے ہیں، انھوں نے سمجھا بانی پی ٹی آئی گھبرا جائیں گے اور ڈیل کر لیں گے۔
ان کا کہنا تھا کہ عدالت میں ججز کو مصیبت پر چکی ہے، سارے کیسز بری طرح سے ایکسپوز ہورہے ہیں، جج صاحب بھی مشکل میں پھنسے ہوئے ہیں۔
علیمہ خان نے کہا کہ جج صاحب کی بھی کوئی مجبوری ہوگی، کیسز بہت اچھے طریقے سے لڑے جا رہے ہیں، انصاف مل چکا ہے عوام میں کیسز کا جو حال ہو آرہا ہے۔
انہوں نے کہا کہ اگر بانی کا پیغام کوئی اور دینا چاہتا ہے تو دے دے، میرے اوپر چالیس مقدمات ہیں ایک میں انھوں نے گرفتار کرنا ہے قربانی دینے کے لیے تیار ہیں، میں بانی کا پیغام آکر دے دیتی ہوں وہ آگے ایڈٹ ہوجاتا ہے، ہماری پارٹی میں بانی کا پیغام دینا والا اور کوئی نہیں ہم اکیلے ہی ہیں۔
انہوں ںے مزید کہا کہ ملک کو جوڑ کر رکھنے کے لیے بانی کا جیل سے باہر آنا ضروری ہے، کشمیر، گلگت بلتستان کے حالات دیکھ لیں اورکے پی میں بھی حالات خراب ہیں، دنیا کا کوئی اور ملک ہوتا تو سب مل کر بیٹھتے۔
