اسلام آباد:
فیلڈ مارشل کی بطور چیف آف ڈیفنس فورسز تعیناتی اور ایئر چیف مارشل کی مدت ملازمت میں توسیع کے نوٹیفکیشن جاری کر دیے گئے۔
نوٹفیکیشن وزارت دفاع نے جاری کیے، گزشتہ روز صدر مملکت نے چیف آف ڈیفنس فورسز کی تقرری اور ایئر چیف کی مدت ملازمت میں توسیع کی منظوری دے دی تھی۔
وزارت دفاع نے فیلڈ مارشل سید عاصم منیر کی بطور چیف آف ڈیفنس فورسز تعیناتی اور ایئر چیف مارشل ظہیر احمد بابر سدھو کی مدت ملازمت میں توسیع کے نوٹیفکیشن جاری کر دیے
گزشتہ روز صدر آصف علی زرداری نے وزیر اعظم کی سفارش پر فیلڈ مارشل سید عاصم منیر کی بطور چیف آف ڈیفنس فورسز تعیناتی کا نوٹیفکیشن جاری کیا تھا۔ صدر مملکت کی منظوری کے بعد وزارت دفاع نے بھی فیلڈ مارشل عاصم منیر کی بطور چیف آف ڈیفنس تعیناتی کا نوٹیفکیشن جاری کر دیا۔
نوٹیفیکیشن کے مطابق فیلڈ مارشل عاصم منیر کی بطور چیف آف ڈیفنس فورسز تقرری 5 سال کے لیے ہوگی جبکہ ایئر چیف مارشل ظہیر احمد بابر کی بطور سربراہ پاک فضائیہ مدت میں 2 سال کی توسیع کی گئی۔
صدر مملکت نے ایئرچیف مارشل ظہیر احمد سدھو کی مدت ملازمت میں بھی 2 سال کی توسیع کی منظوری دی تھی، اعلامیے کے مطابق ایئر چیف کی توسیع شدہ مدت ملازمت 19مارچ 2026 سے شروع ہوگی۔
