لاہور میں واقع تاریخی شاہی قلعہ میں آگ لگنے کا واقعہ پیش آیا تاہم بروقت اقدامات سے قلعے کو بڑے نقصان سے بچا لیا گیا۔
ایکسپریس نیوز کے مطابق لاہور کا شاہی قلعہ بڑے ثقافتی نقصان سے بال بال بچ گیا تاہم آگ سےقیمتی ترین لکڑی جل کرخاکسترہوگئی۔
آتشزدگی کا واقعہ شاہی قلعہ لیبارٹری کے قریب یارڈ میں پیش آیا جہاں مختلف حصوں کی تزئین وآرائش سےنکلنے والی لکڑی کو ذخیرہ کیا گیا تھا۔
انچارج شاہی قلعہ کے مطابق ریسکیو 1122 نے طلبی پرفوری آگ پرقابو پایا۔ انتظامیہ کا کہنا ہے کہ یہ معمولی آتشزدگی کا واقعہ تھا۔
