لاہور میں عوامی خدمت پر مامور ریسکیو 1122 کو خود بھی ریسکیو کی ضرورت پڑ گئی۔
تفصیلات کے مطابق لاہور کینال روڈ پر ریسکیو 1122 کی گاڑی حادثے کا شکار ہوگئی۔ ریسکیو 1122 کی اپنی ایمبولنس گاڑی نہر میں جا گری۔
ایمبولینس کو حادثہ ٹھوکر سے جانب جناح اسپتال انڈر پاس کے قریب پیش آیا۔ ایمبولینس کا ٹائر برسٹ ہوا جس کے باعث ایمبولینس آوٹ آف کنٹرول ہو کر نہر میں جاگری۔
حادثے میں ایک ریسکیو اہلکار اور ڈرائیور زخمی ہوا۔ دونوں زخمی افراد کو قریبی اسپتال منتقل کردیا گیا۔
