- بولرز کی خراب فارم نے خطرے کی گھنٹی بجا دی
- محمد رضوان نے اپنی ’سادہ‘ فلاسفی بیان کردی
- شاہین سے بدتمیزی، افغان شائق کو اسٹیڈیم سے باہر نکال دیا گیا
- کامیاب کپتان بننے پر بابراعظم کو چیئرمین کی جانب سے شرٹ کا تحفہ
- بجٹ، بزنس فورم کی لسٹڈ کمپنیوں کیلیے کم ازکم ٹیکس ختم کرنے سمیت مختلف تجاویز
- پاکستان سے توانائی، ڈیجیٹل ٹرانسفرمیشن دیگرشعبوں میں تعاون کرینگے، عالمی بینک
- غیرملکی سرمایہ کاروں کا پاکستان پر اعتماد بڑھنے لگا
- 5 سال میں صرف 65 ارب روپے مختص، اعلیٰ تعلیم کا شعبہ شدید مشکلات کا شکار
- 4 سال میں مہنگائی کم، ترقی، سرکاری ذخائربڑھیں گے، آئی ایم ایف
- نااہل حکومتیں پہلے بھی تھیں، آج بھی ہے:فیصل واوڈا
- ایران نے چابہار بندرگاہ کے ایک حصے کا انتظام 10 سال کیلئے بھارت کے حوالے کردیا
- مظفرآباد صورت حال بدستور کشیدہ، فائرنگ سے دو مظاہرین جاں بحق اور متعدد زخمی
- پاکستان اور امریکا کا ٹی ٹی پی اور داعش خراسان سے مشترکہ طور پر نمٹنے کا عزم
- سینٹرل ایشین والی بال لیگ میں پاکستان کی مسلسل تیسری کامیابی
- نئے قرض پروگرام کیلیے پاکستان اور آئی ایم ایف کے درمیان مذاکرات شروع
- آئین معطل یا ختم کرنے والا کوئی بھی شخص سنگین غداری کا مرتکب ہے، عمر ایوب
- آئی سی سی نے پلیئر آف دی منتھ کا اعلان کردیا
- آزاد کشمیر عوامی ایکشن کمیٹی کا نوٹیفکیشن دیکھنے تک احتجاج جاری رکھنے کا اعلان
- خواجہ آصف کا ایوب خان پر آرٹیکل 6 لگانے اور لاش پھانسی پر لٹکانے کا مطالبہ
- سعودی عرب اور خلیجی ممالک میں کام کرنے والے پاکستانی ڈاکٹروں کیلئے خوشخبری
کشمیری نوجوان کو جیپ سے باندھ کرگھمانے والے بھارتی میجر کو اعزازسے نوازدیا گیا
نئی دلی: انتہا پسند مودی سرکار نے مقبوضہ کشمیر میں سفاکی اور بربریت کی نئی تاریخ رقم کرنے والی بھارتی فوج کو اعزاز سے نوازنا شروع کردیا ہے۔
اس سلسلے کی تازہ ترین مثال مقبوضہ کشمیر میں شہری کو جیپ سے باندھ کر انسانی ڈھال بنا کر گھمانے والا بھارتی فوجی افسر ہے جس کےلیے آرمی چیف نے اعلیٰ اعزاز کا اعلان کیا ہے۔ تفصیلات کے مطابق مقبوضہ کشمیر میں تعینات بھارتی میجر لیٹول گوگوئی نے اپنے فوجی قافلے کو کشمیری نوجوانوں کے پتھراؤ سے بچانے کے لیے ایک کشمیری نوجوان کو اپنی جیپ کے آگے باندھ دیا تھا۔
بھارت کے آرمی چیف بپن راوت نے اس گھناؤنے اقدام پر مذکورہ فوجی افسر کے خلاف تادیبی کارروائی کرنے کے بجائے اس کی حوصلہ افزائی کی اور اسے ایوارڈ سے نواز دیا۔ بھارتی میڈیا کے مطابق انڈین چیف آف دی آرمی اسٹاف نے مقبوضہ کشمیر کے اپنے حالیہ دورے میں میجر گوگوئی کو کشمیریوں کی جدوجہد کچلنے کےلیے غیرانسانی طریقے اختیار کرنے پر خصوصی تعریفی سند عطا کی ہے۔
البتہ بھارتی فوج نے سرکاری طور پر یہ مؤقف اختیار کیا ہے کہ میجر لیٹول گوگوئی کو دیا جانے والا یہ اعزاز ’’سرکشی کے خلاف ان کی مسلسل کوششوں‘‘ کے اعتراف میں دیا گیا ہے جس کا جیپ پر کشمیری نوجوان کو باندھنے والے واقعے سے کوئی تعلق نہیں۔
واضح رہے کہ یہ واقعہ اس سال اپریل میں ہوا تھا جسے دنیا بھر سے انسانی حقوق کے علمبردار حلقوں نے غیر انسانی فعل اور وحشیانہ عمل قرار دیا تھا جبکہ اس پر مقبوضہ کشمیر میں عوام اور سیاسی رہنماؤں نے بھی شدید غم و غصے کا اظہار کیا تھا۔ اس پر بھارتی فوج نے معاملے کی تفتیش کا حکم دیتے ہوئے انکوائری کمیٹی بنا دی تھی جس کی جانب سے اب تک کوئی رپورٹ تو نہیں آئی لیکن انڈین آرمی چیف نے اس سفاک بھارتی میجر کو تعریفی اعزاز دے کر ثابت کردیا ہے کہ مقبوضہ کشمیر میں ظلم اور بربریت ہی بھارتی فوج کا پسندیدہ ترین مشغلہ ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔