عرفان کا نام ای سی ایل سے نکالنے کی درخواست پرحکومت سے جواب طلب

اسپورٹس رپورٹر  پير 23 اکتوبر 2017
فاسٹ بولر ڈسپلنری پینل کی جانب سے دی گئی سزا مکمل کر چکے ہیں،فوٹو:فائل

فاسٹ بولر ڈسپلنری پینل کی جانب سے دی گئی سزا مکمل کر چکے ہیں،فوٹو:فائل

لاہور: قومی کرکٹر محمد عرفان کی جانب سے اپنا نام ای سی ایل سے نکلوانے کیلیے دائر کی گئی درخواست پر لاہور ہائیکورٹ نے وفاقی حکومت سے 2 نومبر تک جواب طلب کر لیا ہے۔

لاہور ہائیکورٹ کے جسٹس شمس محمود مرزا نے کرکٹر کی جانب سے درخواست کی سماعت کی جس میں موقف اختیار کیا گیا کہ وفاقی حکومت کی جانب سے اسپاٹ کیس میں ملوث پائے جانے پر دیگر کھلاڑیوں کے ساتھ محمد عرفان کا نام بھی ای سی ایل میں ڈالا گیا تھا۔ فاسٹ بولر پی سی بی ڈسپلنری پینل کی جانب سے دی گئی سزا مکمل کر چکے ہیں تاہم ابھی تک ان کا نام ای سی ایل سے نہیں نکالا گیا۔

پیسر کے وکیل نے بتایا کہ محمد عرفان عمرہ کی ادائیگی کیلیے جانا چاہتے ہیں لہٰذا نام ایگزٹ کنٹرول لسٹ سے نکالنے کیلیے عدالت وزارت داخلہ کو حکم صادر کرے۔ لاہور ہائیکورٹ نے وفاقی حکومت سے معاملہ پر جواب طلب کر لیا ہے۔ عدالت نے دلائل سننے کے بعد ڈپٹی اٹارنی جنرل سے جواب طلب کرتے ہوئے سماعت 2 نومبر تک ملتوی کردی ہے۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔