امریکی یونیورسٹی کی طالبات کی بھی ’’میرے پاس تم ہو‘‘ کا گانا گاتے ہوئے ویڈیووائرل

ویب ڈیسک  جمعرات 16 جنوری 2020
ڈراماسیریل میرے پاس  تم ہو نے آئی ایم ڈی بی پر بھی بہترین ریٹنگ حاصل کی ہے فوٹوفائل

ڈراماسیریل میرے پاس تم ہو نے آئی ایم ڈی بی پر بھی بہترین ریٹنگ حاصل کی ہے فوٹوفائل

نیویارک: امریکا کی انڈیانا یونیورسٹی کی دوطالبات کی ڈراما سیریل ’’میرے پاس تم ہو‘‘ کا او ایس ٹی گاتے ہوئے ویڈیو وائرل ہورہی ہے جس پردونوں لڑکیوں کی سوشل میڈیا پر بہت زیادہ تعریف کی جارہی ہے۔

اداکار ہمایوں سعید، عائزہ خان اورعدنان صدیقی کے ڈرامے ’’میرے پاس تم ہو‘‘ نے جہاں مقبولیت کے کئی ریکارڈ توڑے وہیں اس کے ٹائٹل سانگ کو بھی خوب پسند کیا گیا یہاں تک کہ اس گانے کو بچوں سے لے کر بڑوں اور فنکاروں نے بھی اپنی آواز میں گاکر ویڈیوزسوشل میڈیا پر شیئر کیں۔ تاہم اب ’’میرے پاس تم ہو‘‘ کے ٹائٹل سونگ کے چرچے امریکا تک پھیل گئے ہیں۔

یہ بھی پڑھیں: ’’میرے پاس تم ہو‘‘ نے ’’گیم آف تھرونز‘‘ کو پیچھے چھوڑدیا

امریکا کی انڈیانا یونیورسٹی کی دوطالبات رومشا خان جن کا تعلق پاکستان سے ہے اورسیتا والا بھانینی جو بھارت سے ہیں، نے ڈرامے کا ٹائٹل سونگ گاکر ویڈیو سوشل میڈیا پر شیئر کی ہے۔ یہ ویڈیو پاکستان اسٹوڈنٹ ایسوسی ایشن نے یونیورسٹی کے انسٹاگرام اکاؤنٹ پرپوسٹ کی ہے۔ دلچسپ بات یہ ہے کہ سیتا والا بھانینی تیلگو ہیں اورانہیں اردو نہیں آتی لیکن اس کے باوجود انہوں نے اتنی خوبصورتی سے گانا گایا ہے کہ پاکستانیوں کے دل جیت لیے۔

یہ بھی پڑھیں: ’’میرے پاس تم ہو‘‘کا آخری سین لکھتے ہوئے رورہا تھا، خلیل الرحمان قمر

ڈرامے کا ٹائٹل سانگ گاتے ہوئے دونوں طالبات نے پیغام لکھا اگر آپ ’’میرے پاس تم ہو‘‘ کے بارے میں نہیں جانتےتو کیا آپ پتھروں کے دورمیں رہ رہے ہیں؟ آئی ایم ڈی بی پربھی اس ڈرامے کو بہترین ریٹنگ ملی ہیں۔ دنیا بھرکے پاکستانی اس وقت شدت کے ساتھ ڈرامے کی آخری قسط کا انتظار کررہے ہیں۔

واضح رہے کہ ڈراما سیریل ’’میرے پاس تم ہو‘‘ کی مقبولیت کو دیکھتے ہوئے اس کی آخری قسط سینما میں دکھانے کا فیصلہ کیا گیا ہے تاہم آخری قسط اگلے ہفتے نہیں بلکہ 25 تاریخ کو دکھائی جائے گی۔

View this post on Instagram

Have you been living under a rock if you don’t know Mere Paas Tum Ho?! Pakistanis all around the world are DYING to see the final episode. It even has a higher rating on IMDb than Game of Thrones!! Here’s a little bit of the OST from the show. TO ALL YOU JUDGY AUNTIES: 1) We are NOT professional singers 2) @sithavallabhaneni is from the US and knows Telugu, not Urdu Enjoy! @ayezakhan.ak @saeedhumayun @hiramaniofficial @sheessajjadgull @adnansid1 @nadeembaigdirector @arydigital.tv @meraypasstumho @rahatfatehalikhan #merepasstumho #ayezakhan #hiramani #sheessajjadgul #adnansiddiqui #saeedhumayun #nadeembaig #arydigital #meraypasstumho #meraypaastumho #finalepisode #pakistan #pakistani #psa #indiana #iu #drama #pakistanidrama #humtv #rahatfatehalikhan #pakistanidramas #ayezakhanfans #pakistanicelebrities #nadeembaigdirector #actorslife

A post shared by PSA @ IUB 🇵🇰 (@psa_iub) on

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔