- اسلام آبادہائیکورٹ کے فل کورٹ اجلاس میں خط لکھنے والے 6 ججوں کی بھی شرکت
- اقوام متحدہ کے ادارے پر حماس کی مدد کا اسرائیلی الزام جھوٹا نکلا
- نشے میں دھت مسافر نے ایئرہوسٹس پر مکے برسا دیئے؛ ویڈیو وائرل
- سعودیہ سے دیر لوئر آئی خاتون 22 سالہ نوجوان کے ساتھ لاپتا، تلاش شروع
- بیوی کی ناک اور کان کاٹنے والا سفاک ملزم ساتھی سمیت گرفتار
- پنجاب میں پہلے سے بیلٹ باکس بھرے ہوئے تھے، چیئرمین پی ٹی آئی
- ٹریفک وارڈنز لاہور نے ایمانداری کی ایک اور مثال قائم کر دی
- مسجد اقصی میں دنبے کی قربانی کی کوشش پر 13 یہودی گرفتار
- پنجاب کے ضمنی انتخابات میں پولیس نے مداخلت کی، عمران خان
- 190 ملین پاؤنڈز کیس؛ وکلا کی جرح مکمل، مزید 6 گواہوں کے بیان قلمبند
- حکومت تمام اخراجات ادھار لے کر پورا کررہی ہے، احسن اقبال
- لاپتا افراد کا معاملہ بہت پرانا ہے یہ عدالتی حکم پر راتوں رات حل نہیں ہوسکتا، وزرا
- ملائیشیا میں فوجی ہیلی کاپٹرز آپس میں ٹکرا گئے؛ 10 اہلکار ہلاک
- عالمی اور مقامی مارکیٹ میں سونے کی قیمت میں آج بھی بڑی کمی
- قومی ٹیم میں بیٹرز کی پوزیشن معمہ بن گئی
- نیشنل ایکشن پلان 2014 پر عملدرآمد کیلیے سپریم کورٹ میں درخواست دائر
- پختونخوا کابینہ میں بجٹ منظوری کیخلاف درخواست پر ایڈووکیٹ جنرل کو نوٹس
- وزیراعظم کا ٹیکس کیسز میں دانستہ التوا کا نوٹس؛ چیف کمشنر ان لینڈ ریونیو اسلام آباد معطل
- بلوچستان میں 24 تا 27 اپریل مزید بارشوں کی پیشگوئی، الرٹ جاری
- ازبکستان، پاکستان اور سعودی عرب کے مابین شراکت داری کا اہم معاہدہ
پاک یو اے ای تجارتی تعلقات کیلیے روڈ میپ بنانے پر زور
لاہور: متحدہ عرب امارات کے سفیر حماد عبید ابراہیم سلیم الزابی نے کہا ہے کہ پاکستان اور متحدہ عرب امارات باہمی تجارتی و معاشی تعلقات کو مزید مستحکم کرنے کے لیے روڈ میپ وضع کریں۔
حماد عبید ابراہیم سلیم الزابی نے لاہور چیمبر کے دورے کے موقع پر صدر ملک طاہر جاوید، نائب صدر ذیشان خلیل اور ایگزیکٹو کمیٹی اراکین سے ملاقات پر گفتگو کرتے ہوئے کہا کہ پاکستان اور متحدہ عرب امارات باہمی تجارتی و معاشی تعلقات کو مزید مستحکم کرنے کے لیے روڈ میپ وضع کریں۔ انہوں نے کہا کہ تجارتی وفود کا تبادلہ، دونوں ممالک میں منعقدہ تجارتی میلوں و نمائشوں میں تاجروں کی شرکت اور تجارت و سرمایہ کاری سے متعلق معلومات کا تبادلہ اس سلسلے میں اہم کردار ادا کرسکتے ہیں۔
متحدہ عرب امارات کے سفیر حماد عبید ابراہیم سلیم الزابی نے کہا کہ متحدہ عرب امارات پاکستان کے ساتھ گہرے اور پْرخلوص تعلقات کو بہت اہمیت دیتا ہے اور اس مقصد کے حصول کے لیے ہر ممکن اقدامات کر رہا ہے۔
دوسری جانب لاہور چیمبر کے صدر ملک طاہر جاوید نے کہا کہ لاہور چیمبر متحدہ عرب امارات کے لیے تجارتی وفد ترتیب دے گا۔ انہوں نے متحدہ عرب امارات میں پاکستانی مصنوعات کے لیے ڈسپلے سینٹر کے قیام اور پاکستانی فارماسیکٹر کی بلارکاوٹ برآمدات کی ضرورت پر بھی زور دیا۔ انہوں نے کہا کہ پاکستان اور متحدہ عرب امارات کو ایک دوسرے کی صلاحیتوں سے بھرپور فائدہ اٹھانا چاہیے، دونوں ممالک ایک دوسرے کے بڑے تجارتی حصے دار ہیں، پاکستان کے لیے درآمدات اور برآمدات کے حوالے سے متحدہ عرب امارات بالترتیب دوسرے اور ساتویں نمبر پر ہے۔
ملک طاہر جاوید نے کہا کہ تجارت کا حجم ہمیشہ متحدہ عرب امارات کے حق میں رہا ہے جسے برابری کی سطح پر لانا ضروری ہے۔ انہوں نے کہا کہ متحدہ عرب امارات نے تجارتی اشیا پر 5 فیصد ویلیوایڈڈ ٹیکس عائد کررکھا ہے، اس ٹیکس کی وجہ سے پاکستانی مصنوعات کو مسائل کا سامنا ہے لہذا کچھ رعایت دی جائے۔ انہوں نے بتایا کہ پاکستان کی متحدہ عرب امارات کو برآمدات میں چاول، گوشت، پھل و سبزیاں جبکہ درآمدات میں کروڈ آئل، پٹرولیم ، آئرن اینڈ اسٹیل اسکریپ اور پراپلین وغیرہ شامل ہیں۔
انہوں نے کہا کہ متحدہ عرب امارات میں رہنے والے پاکستانیوں کی ترسیلات پاکستانی معیشت کے استحکام میں اہم کردار ادا کررہی ہیں، اکتوبر 2017 میں اس سے گزشتہ سال کی نسبت ترسیلات میں6.7 فیصد کمی دیکھنے میں آئی، اگر پاکستانی افرادی قوت سے متعلق کوئی مسائل ہیں تو انہیں بات چیت کے ذریعے حل کیا جاسکتا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔