سکھوں نے بھارتی سفارت کاروں کو گوردوارہ ڈیرہ صاحب میں داخلے سے روک دیا

بھارتی سفارکاروں کی آمد کی اطلاع ملنے پر گوردوارہ میں موجود سکھ اشتعال میں آگئے ، فوٹو محمد آصف

---

مہاراجہ رنجیت سنگھ کی 179 ویں برسی کی مرکزی تقریب کے دوران سکھ یاتریوں نے بھارتی سفارت کاروں کوگوردوارہ ڈیرہ صاحب میں داخل ہونے سے روک دیا۔

ایکسپریس نیوزکے مطابق لاہورمیں مہاراجہ رنجیت سنگھ کی برسی کی تقریب گوردوارہ ڈیرہ صاحب میں موجود ان کی سمادھی پرمنعقد ہوئی۔



بھارتی سفارت کاروں کی آمد کی اطلاع ملنے پر گوردوارہ میں موجود سکھ اشتعال میں آگئے اور بھارتی حکومت کے خلاف شدید نعرے بازی کی۔ سکھوں کا احتجاج اورغم وغصہ دیکھ کربھارتی سفارت کارواپس چلے گئے۔



چند روزپہلے بھارت میں سکھوں کے مقدس نشان صاحب کی بے حرمتی کی گئی تھی، بھارتی عدالت کی طرف سے راج کرے گا خالصہ نعرے کوجرم قراردینے پرسکھوں میں غم وغصہ پایا جارہا ہے۔



واضح رہے کہ 22 جون کو سکھوں نے بھارتی ہائی کمشنرکو گوردوارہ پنجہ صاحب میں بھی داخل نہیں ہونے دیا تھا۔