اہم ہدف 100 روزہ ایجنڈے کا نفاذ ہے وزیراعظم

پنجاب پولیس کو سیاسی اثرورسوخ سے پاک کرنا اولین ترجیح ہے، عمران خان . فوٹو: فائل

---

ISLAMABAD: وزیراعظم عمران خان کا کہنا ہے کہ اہم ہدف 100 روزہ ایجنڈے کا نفاذ ہے جب کہ ہم قابلیت، کفایت شعاری اورکرپشن کے خاتمے پرمکمل توجہ مرکوز رکھتے ہوئے گورننس میں انقلاب برپا کرنے کا پختہ عزم کیے ہوئے ہیں۔

اپنی ٹوئٹ میں وزیراعظم عمران خان نے کہا کہ آج ملک گیر شجرکاری مہم کا آغاز کیا ہے، میں چاہتا ہوں کہ پاکستان کو سرسبز بنانے کی اس تحریک میں آپ سب میرا ساتھ دیں تاکہ ہم ماحولیاتی تغیر کا مقابلہ کرسکیں اور اپنی آئندہ نسلوں کو آلودگی کے تباہ کن اثرات سے محفوظ بنا سکیں۔

اس خبر کو بھی پڑھیں : درخت نہ لگائے تو پاکستان ریگستان بن جائے گا، وزیراعظم عمران خان

Today we launch our tree plantation drive #Plant4Pakistan across the entire country. I want everyone to join this #GreenPakistan drive so we can counter the twin threats of climate change and pollution confronting our future generations.

— Imran Khan (@ImranKhanPTI) September 2, 2018

وزیراعظم کا پنجاب کابینہ کے اجلاس کے حوالے سے کہنا تھا کہ کل وزیر اعلیٰ پنجاب، ان کی کابینہ اور صوبائی بیورو کریسی سے نہایت سود مند ملاقات ہوئی، ان سب پر واضح کردیا کہ 100 روزہ ایجنڈے کا نفاذ کلیدی ہدف ہے، ہم قابلیت، کفایت شعاری اور کرپشن کے خاتمے پر مکمل توجہ مرکوز رکھتے ہوئے گورننس میں انقلاب برپا کرنے کا پختہ عزم کیے ہوئے ہیں۔

Had very constructive meetings with Punjab CM & cabinet; & the senior Punjab bureaucracy yesterday. Informed them all that priority must be given to achieving our 100-Days prog. We are determined to change governance in Pak, focusing on austerity, anti-corruption & meritocracy.

— Imran Khan (@ImranKhanPTI) September 2, 2018

وزیراعظم نے مزید کہا کہ خیبر پختون خوا میں پولیس اصلاحات کی بنیاد ڈالنے والے سابق آئی جی ناصر درانی سے بھی ملاقات ہوئی، اب وہ اس ٹاسک فورس کی سربراہی کررہے ہیں جس نے پنجاب میں پولیس اصلاحات کا بیڑہ اٹھا رکھا ہے، میں نے ان سے کہا کہ پنجاب میں پولیس کو سیاسی اثرو رسوخ سے پاک کرنا ان کی اولین ترجیح ہونی چاہیے۔

Also met with ex-IG Nasir Durrani who had initiated the police reforms agenda in KP. He is heading the police reforms task force in Punjab & I told him his first priority must be to depoliticise the Punjab police force. https://t.co/Fs7lNrAOBC

— Imran Khan (@ImranKhanPTI) September 2, 2018