واٹس ایپ نے ’ڈارک موڈ‘ کی تیاری شروع کردی

یہ فیچر اینڈرائڈ اور آئی فونز کے لیے دستیاب ہوگا جس کے تحت صارف اپنی مرضی سے ’بلیک تھیم‘ منتخب کرسکیں گے۔

---

پیغام رسانی کی مقبول ترین اپیلی کیشن 'واٹس ایپ' نے صارفین کی سہولت کے لیے 'ڈارک موڈ' فیچر کی تیاری شروع کردی ہے۔

وہ صارفین جنہیں کم روشنی کے باعث چیٹنگ میں دکت پیش آتی ہے یا پھر واٹس ایپ کی موجودہ تھیم کی وجہ سے آنکھوں میں جلن سی محسوس ہوتی ہے توکمپنی نے یہ مشکل بھی آسان بنانے کی ٹھان لی ہے۔

واٹس ایپ بیٹا انفو نے اپنی ٹوئٹ میں بتایا کہ واٹس ایپ نے آخر کار 'ڈارک موڈ' پر کام کرنا شروع کردیا ہے اور یہ فیچر اینڈرائڈ اور آئی فونز کے لیے دستیاب ہوگا جس کے تحت صارف اپنی مرضی سے 'بلیک تھیم' منتخب کرسکیں گے۔

FULL OLED FRIENDLY: see this WhatsApp screenshot (NOTE: IT'S MY CONCEPT! IT'S NOT THE OFFICIAL DARK MODE!!!!)

Night mode: see this Telegram Screenshot.

What do you like to see in WhatsApp? pic.twitter.com/8bf8NCV6db

— WABetaInfo (@WABetaInfo) September 14, 2018

اس فیچر کے کئی فائدے ہیں جیسا کہ رات کے اوقات یا کم روشنی میں یہ فیچر نہ صرف آنکھوں میں پیدا ہونے والے کھچاؤ کو کم کرے گا بلکہ اس تھیم کے ذریعے بیٹری بھی نسبتاً کم استعمال ہوگی۔

فی الحال 'ڈارک موڈ' فیچر کی دستیابی کے لیے حتمی وقت کا اعلان نہیں کیا گیا تاہم امکان یہی ہے کہ بہت جلد اسے اپ ڈیٹ کردیا جائے گا۔