سعودی طالبہ امتحان دیتے ہوئے زچگی کا درد برداشت کرتی رہی

لڑکی تھرڈ ایئر کا پیپر دے رہی تھی، فوٹو: فائل

---

سعودی عرب میں ایک لڑکی نے زچگی کے درد کے ساتھ ہائی اسکول کا پرچہ مکمل کرکے بچے کو جنم دے دیا۔

عرب میڈیا رپورٹس کے مطابق مدینہ منورہ میں 'نورا' نامی لڑکی تھرڈ ایئر کا پرچہ دے رہی تھی کہ اس دوران اسے زچگی کا درد ہوا اور چند لمحوں بعد اس کے ہاں بچے کی پیدائش ہوگئی۔

ماں بننے والی لڑکی کی دوست نے میڈیا کو بتایا کہ نورا جب امتحانی مرکز میں پرچہ دینے پہنچی تو وہ بالکل ٹھیک تھی تاہم وقت گزرنے کے ساتھ ساتھ اسے درد ہونا شروع ہوا جو وقت کے ساتھ ساتھ بڑھتا رہا اور کسی بھی طرح نورا نے زچگی کی تکلیف کے ساتھ پیپر مکمل کرلیا۔

لڑکی کو فوری طور پر ایمبولینس کے ذریعے مقامی اسپتال منتقل کیا جارہا تھا کہ راستے میں ہی اس کے ننھی مہمان کی آمد ہوگئی، لڑکی کو اسپتال پہنچایا گیا جہاں ڈاکٹرز نے زچہ و بچہ کی حالت کو ٹھیک قرار دیا۔

المدينة: المخاض يفاجئ طالبة في قاعة الاختبار
فاجأ المخاض (طلق الولادة) طالبة في الصف الثالث الثانوي في إحدى المدارس بالمدينة المنورة، بعد دقائق من أدائها اختبار مادة المهارات النفسية والاجتماعية أمس (الأحد). pic.twitter.com/KvMPn37Sqf

— أخبار منوعه Jak saudi (@khled060) December 17, 2018