خام کاٹن جننگ کاٹن کی درآمد پر کسٹمز 2 فیصد اضافی ڈیوٹی اور سیلز ٹیکس سے چھوٹ

چھوٹ یکم فروری 2019 سے 30 جون2019 تک کیلئے چھوٹ دے دی گئی ہے۔ فوٹو: فائل

---

خام کاٹن اور جننگ شْدہ کاٹن کی درآمد کو کسٹمز ڈیوٹی، 2 فیصد اضافی کسٹمز ڈیوٹی اور سیلز ٹیکس سے چھوٹ دے دی گئی ہے۔

فیڈرل بورڈ آف ریونیو نے خام کاٹن اور جننگ شْدہ کاٹن کی درآمد کو کسٹمز ڈیوٹی، 2 فیصد اضافی کسٹمز ڈیوٹی اور سیلز ٹیکس سے چھوٹ دینے کا نوٹیفکیشن جاری کردیا ہے جبکہ اس سے قبل کاٹن کی مقامی سپلائی پر سیلز ٹیکس کی شرح صفر کی جاچکی ہے۔

ایف بی آر کی جانب سے گزشتہ روز (پیر) نوٹیفکیشن جاری کیے گئے ہیں جن کے ذریعے کاٹن کی درآمد پر عائد کسٹمز ڈیوٹی، ایڈیشنل کسٹمز ڈیوٹی اور سیلز ٹیکس کی چھوٹ یکم فروری 2019 سے 30 جون2019 تک کیلئے چھوٹ دے دی گئی ہے۔