بلوچستان کے مختلف علاقوں میں مسلسل دوسرے روز زلزلے کے جھٹکے

ویب ڈیسک  پير 18 فروری 2019
زلزلے کی شدت ریکٹر اسکیل پر 4.4 ریکارڈ کی گئی، زلزلہ پیما مرکز۔ فوٹو:فائل

زلزلے کی شدت ریکٹر اسکیل پر 4.4 ریکارڈ کی گئی، زلزلہ پیما مرکز۔ فوٹو:فائل

کوئٹہ: بلوچستان کے مختلف علاقوں میں مسلسل دوسرے روز بھی زلزلے کے جھٹکے محسوس کئے گئے ہیں تاہم کسی قسم کےجانی نقصان کی اطلاع نہیں ملی۔

بلوچستان کے علاقے قلات اور گرد ونواح میں زلزلے کے جھٹکے محسوس کیے گئے  تاہم کوئی جانی نقصان نہیں ہوا، زلزلہ پیما مرکز کے مطابق زلزلے کی شدت ریکٹر اسکیل پر 4.4 ریکارڈ کی گئی جب کہ اس کی گہرائی 18 کلو میٹر زیر زمین تھی۔

گزشتہ روز بھی کوئٹہ سمیت بلوچستان کے مختلف علاقوں میں زلزلے کے جھٹکے محسوس کئے گئے تھے، زلزلےکی شدت ریکٹر اسکیل پر 2.9 ریکارڈ کی گئی تھی جب کہ  اس کی گہرائی 12 کلومیٹر زیر زمین تھی اور اس کا مرکز قلات سے 60 کلو میٹر جنوب مشرق میں تھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔