برطانیہ پاکستان میں ڈیڑھ کروڑ پاؤنڈ کی سرمایہ کاری کرے گا

سرمایہ کاری ’ کارانداز‘ کے ذریعے توانائی کی پیداوار اور بچت کے اقدامات میں کی جائے گی

بزنس رپورٹر جمعرات 8 اگست 2019

DFID اور ’ کارانداز‘ میں معاہدہ طے، پاکستان میں توانائی کے لیے کام کررہے ہیں، جوآنا ریڈ. فوٹو: فائل

کراچی: ادارہ برائے بین الاقوامی ترقی (ڈی ایف آئی ڈی) برطانیہ کے عزم کے تحت پاکستان کی انڈسٹریل اسمال اینڈ میڈیم انٹر پرائزز (ایس ایم ای) سیکٹر کو ماحول دوست توانائی اور اس کی بچت کے لیے مالی سہولت کی فراہمی کے سلسلے میں تعاون فراہم کرے گا۔

ڈی ایف آئی ڈی کے سسٹین ایبل انرجی اینڈ اکنامک ڈیولپمنٹ (SEED) پروگرام کا حصہ ہونے کے ناطے ’کار انداز‘ پاکستانی کاروباروں میں ماحول دوست توانائی کی پیداوار اور بچت کے اقدامات کو فروغ دینے کے لیے 15 ملین پاؤنڈز سے زائد کی سرمایہ کاری کرے گا۔

سیڈ پروگرام کلین انرجی اور توانائی کی بچت میں بہتری اور سرمایہ کاری کو بڑھانے سے متعلق مالی استحکام کا مظاہرہ کرنے والی فرموں، کاروباروں اور مالیاتی اداروں کے ساتھ کام کرے گا۔ڈی ایف آئی ڈی پاکستان کی سربراہ جوآنا ریڈ اور کار انداز پاکستان کے سی ای او علی سرفراز نے معاہدہ پر دستخط کیے۔