شعیب اختر نے شاہ رخ خان کا دستخط کردہ ہیلمٹ نیلامی کیلیے پیش کردیا

 راولپنڈی: راولپنڈی ایکسیریس شعیب اختر نے شاہ رخ خان کا دستخط کردہ ہیلمٹ نیلامی کیلیے پیش کردیا۔

اسپیڈ سٹار نے آِئی پی ایل کے اولین ایڈیشن میں دہلی ڈیئر ڈیولز کی 4 وکٹیں صرف 11 رنز کے عوض اڑادی تھیں، ان کے شکاروں میں وریندر سہواگ، اے بی ڈی ویلیئرز،  گوتم گھمبیر اور منوج تیواری شامل تھے،  اس موقع پر ان کو مین آف دی میچ ملا اور ساتھ ہی کولکتہ نائٹ رائیڈرز کے مالک شاہ رخ خان نے ایک ہیلمٹ پر دستخط کرکے بطور تحفہ ان کو پیش کیا۔

You're welcome @aisamhqureshi . Its going for a great cause. https://t.co/LmlYKf8ejb

— Shoaib Akhtar (@shoaib100mph) May 16, 2020

اسٹارز فار ہنگر مہم کے تحت کئی نامور کھلاڑی اپنی یادگاری اشیاء نیلامی کیلیے پیش کر رہے ہیں، شعیب اختر نے اپنا ہیلمٹ پیش کیا ہے، اس مہم میں پیش پیش ٹینس سٹار اعصام الحق نے سماجی رابطوں کی ویب سائٹ پر سابق پیسر کا شکریہ ادا کیا ہے۔