حکومت فضل الرحمن کے خلاف اوچھے ہتھکنڈوں سے بازآجائے بلاول

عمران خان نیب کے ذریعے اپوزیشن کے سیاست دانوں کو دباوٴ میں لینے کی کوشش کررہے ہیں، بلاول بھٹو زرداری۔ فوٹو: فائل

---

چیئرمین پیپلزپارٹی بلاول بھٹو زرداری نے کہا ہے کہ حکومت نیب کے ذریعے جمیعت علمائے اسلام ف کے سربراہ مولانا فضل الرحمن کے خلاف اوچھے ہتھکنڈے استعمال کرنے سے باز رہے۔

نیب کی جانب سے جے یو آئی کے سربراہ مولانا فضل الرحمان کو نوٹس بھیجے جانے پر ردعمل کا اظہار کرتے ہوئے پیپلزپارٹی کے چیئرمین بلاول بھٹو کا کہنا تھا کہ پی ٹی آئی حکومت پاکستان ڈیموکریٹک موومنٹ سے بوکھلا کر نیب کو استعمال کررہی ہے، اے پی سی کے بعد سیاسی رہنماوٴں کو نیب کے نوٹس بھیجنے سے حکومتی عزائم کھل کر سامنے آچکے ہیں، حکومت کچھ بھی کرلے اب عوامی مزاحمت کو نہیں دباسکتی۔

بلاول بھٹو نے کہا کہ عمران خان نیب کے ذریعے اپوزیشن کے سیاست دانوں کو دباوٴ میں لینے کی کوشش کررہے ہیں، حکومت نیب کے ذریعے جے یو آئی سربراہ کے خلاف اپنے اوچھے ہتکھنڈوں سے فی الفور باز آجائے۔