حکومت ریاست اور عوام کا فاصلہ ختم ہوگیا ہے وزیراطلاعات شبلی فراز

اب گھر بیٹھ کر عوام کی شکایات حل ہوسکیں گی، وفاقی وزیر کا سٹیزن پورٹل ہیلپ لائن کی افتتاحی تقریب سے خطاب


September 24, 2020
سٹیزن پورٹل کے ذریعے 25 لاکھ شکایات موصول ہوئیں جن میں سے 23لاکھ شکایات کاازالہ کیا گیا، شبلی فراز (فوٹو: فائل)

KARACHI: وفاقی وزیراطلاعات شبلی فراز نے کہا ہے کہ سٹیزن پورٹل ہیلپ لائن کے ذریعے حکومت ، ریاست اور عوام کا فاصلہ ختم ہوگیا ہے۔

پاکستان سٹیزن پورٹل ہیلپ لائن کی افتتاحی تقریب سے خطاب کرتے ہوئے وزیر اطلاعات شبلی فراز کا کہنا تھا کہ وزیراعظم عمران خان کی ہدایت پر پاکستان سٹیزن پورٹل ہیلپ لائن کا قیام عمل میں لایا گیا، حکومت،ریاست اور عوام کے درمیان فاصلہ ختم ہو گیا، اب گھر بیٹھ کر عوام کی شکایات حل ہوسکیں گی، جو شکایات دور نہیں ہوئیں وہ بھی وزیراعظم تک پہنچتی ہیں، شبلی فراز وزیراعظم شکایات پرمتعلقہ محکموں سے جواب طلبی کرتےہیں۔

وزیراطلاعات نے بتایا کہ سٹیزن پورٹل ہیلپ لائن کا مقصد شہریوں کی شکایات کا بروقت ازالہ ہے، سٹیزن پورٹل سے عوام کو اداروں تک براہ راست رسائی دی گئی ہے،5 لاکھ 86 ہزار افراد سے شکایات کے ازالے سے متعلق رائے لی گئی، 25 لاکھ شکایات موصول ہوئیں جن میں سے 23 لاکھ شکایات کاازالہ کیا گیا۔

 

مقبول خبریں