ہائی پروفائل ٹارگٹ کلنگ کیسز میں ملوث متحدہ لندن کے 4 کارکنان بری

ملزمان میں شکیل عرف بنارسی، منظور عالم، افسر زیدی اور عادل عرف پگلا شامل، 2015ء میں نائن زیرو سے گرفتار ہوئے (فوٹو، فائل)

---

ہائی پروفائل ٹارگٹ کلنگ کیسز میں ملوث ایم کیو ایم لندن کے چار ملزمان پر پراسیکیوشن جرم ثابت کرنے میں ناکام رہا جس پر انسداد دہشت گردی کی خصوصی عدالت نے ایم کیو ایم لندن کے ملزمان کو بری کردیا۔

کراچی کی انسداد دہشت گردی کی خصوصی عدالت نے شہری کے قتل کے مقدمے کا فیصلہ سنادیا اور شہری کے قتل میں ملوث ایم کیو ایم لندن کے ملزمان کو بری کردیا۔ ان ملزمان میں شکیل عرف بنارسی، منظور عالم، افسر زیدی اور عادل عرف پگلا شامل ہیں۔ عدالت نے حکم دیا کہ اگر ملزمان کسی اور مقدمہ میں نامزد نہیں تو انھیں رہا کردیا جائے۔

پولیس کے مطابق ملزمان نے فروری 2013ء میں پاکستان بازار کے علاقے میں فیض الرحمان کو فائرنگ کرکے قتل کیا۔ ملزمان کو 11مارچ 2015ء کو نائن زیرو سے گرفتار کیا۔