سعودی ایئرپورٹ پر حوثی باغیوں کا حملہ طیارے کو آگ لگا دی

حملے سے ایک طیارے میں آگ بھڑک اُٹھی، فوٹو : فائل

---

سعودی عرب کے ابھا ایئرپورٹ پر یمن کے حوثی باغیوں نے حملہ کرکے ایک طیارے کو نذر آتش کردیا۔

عالمی خبر رساں ادارے کے مطابق سعودی عرب کی قیادت میں قائم عسکری اتحاد کے ترجمان نے بتایا ہے کہ یمن کے حوثی باغیوں نے ابھا ایئرپورٹ میں داخل ہوکر فائرنگ کردی اور اس دوران ہوائی اڈے پر موجود ایک طیارے کو بھی آگ لگا دی گئی۔

یہ خبر پڑھیں : یمن ایئرپورٹ پر وزیراعظم کے طیارے پر حملہ، 22 افراد جاں بحق

کرنل ترکی المالکی نے مزید بتایا کہ شہریوں کو حوثیوں کے خطرات سے بچانے کے لئے ضروری اقدامات اٹھا رہے ہیں۔ حملہ آوروں کو سخت جوابی کارروائی دیکر پسپا کردیں گے۔ حملے میں کسی کے ہلاک یا زخمی ہونے کی اطلاع نہیں۔

یہ خبر بھی پڑھیں : سعودی ایئرپورٹ پر حوثی باغیوں کا ایک اور حملہ، ایک شخص جاں بحق

اس سے قبل بھی حوثی باغیوں نے جون 2019 میں اسی ایئرپورٹ پر دو حملے کیے تھے، پہلے حملے میں ایک شخص ہلاک اور 9 زخمی جب کہ دوسرے حملے میں 26 افراد زخمی ہوگئے تھے۔

یہ بھی پڑھیں : سعودی ایئرپورٹ پر حوثی باغیوں کے میزائل حملے میں 26 افراد زخمی

Dear @POTUS , You see how the terrorists damaged Saudi property, Saudi Arabia has always pursued a policy of pacifism and this is our message, Saudi Arabia will support you at all levels in eradicating terrorism.

🇵🇰❤️🇸🇦#مطار_ابها_الدولي#الحوثي pic.twitter.com/yB7LMnqUDs

— Love Saudi Arabia (@longliveksa_) February 10, 2021

واضح رہے کہ گزشتہ برس دسمبر میں یمن میں اترنے والے یمنی وزیراعظم کے طیارے پر حوثی باغیوں نے حملہ کردیا تھا جس میں 26 افراد جاں بحق ہوگئے تھے۔