کھلاڑیوں کوچزاوراسٹاف کے کورونا ٹیسٹ کی رپورٹس منفی آگئیں

نیگیٹو رپورٹس رکھنے والے لوگ جمعرات سے دوبارہ آفس میں ذمہ داریاں سنبھالیں گے۔

---

نیشنل ہائی پرفارمنس سینٹرمیں موجود کھلاڑیوں، کوچز اوراسٹاف کے کورونا ٹیسٹ رپورٹس پی سی بی کومل گئیں۔

مجموعی طورپرانہترافراد کے ٹیسٹ کرائے گئے جو تمام نیگیٹو ہیں، رپورٹس انے کے بعد لاہور سےباہر دوسرے شہروں سے تعلق رکھنے والے کرکٹرزکو اپنے گھرجانے کی اجازت دے دی گئی ہے۔ لاہور کے رہائیشی کرکٹرز اور اسٹاف ممبران پہلے ہی اپنے گھروں میں موجود ہیں۔

پی سی بی ہیڈکوارٹرمیں ایک کورونا رپورٹ پازیٹو آنے کے بعد نیشنل ہائی پرفارمنس سینٹر میں موجود سب افراد کے بھی گزشتہ روز ٹیسٹ لیے گئے تھے۔ دوسری جانب قذافی اسٹیڈیم میں کام کرنے والے تمام اسٹاف کےکورونا ٹیسٹ کل ہوں گے، نیگیٹو رپورٹس رکھنے والے لوگ جمعرات سے دوبارہ آفس میں ذمہ داریاں سنبھالیں گے۔