16 سالہ برطانوی لڑکے نے قطب جنوبی کا پیدل سفر کرکے عالمی ریکارڈ بنادیا

کلارک انٹارکٹیکا کے ساحل سے 1130کلومیٹر کا فاصلہ پیدل طے کرکے ہفتے کی شام کو قطب جنوبی کے ایمنڈسن اسکاٹ اسٹیشن پہنچا۔ فوٹو: فائل

---

برطانیہ کے شہر برسٹل سے تعلق رکھنے والا ایک 16سالہ لڑکا قطب جنوبی تک چل کر جانے والا کم سن ترین نوجوان بن گیا۔

لیوس کلارک (Lewis Clarke)نے 48دن تک منفی 50ڈگری سینٹی گریڈ درجہ حرارت اور 200 کلومیٹر فی گھنٹہ کی رفتار سے چلنے والی ہوائوں کا مقابلہ کرتے ہوئے یہ کارنامہ سرانجام دیا۔ وہ انٹارکٹیکا کے ساحل سے 1130کلومیٹر کا فاصلہ پیدل طے کر کے ہفتے کی شام کو قطب جنوبی کے ایمنڈسن اسکاٹ اسٹیشن پہنچا۔ لیوس کلارک اب گنیز بک آف ورلڈ ریکارڈ کی انتظامیہ کو اپنے کارنامے ثبوت پیش کریں گے تاکہ ان کا یہ کام باقاعدہ طور پر عالمی ریکارڈ کی فہرست میں آجائے۔