- ویمنز ٹیم کی سابق کپتان بسمہ معروف نے ریٹائرمنٹ کا اعلان کردیا
- امریکی یونیورسٹیز میں ہونے والے مظاہروں پر اسرائیلی وزیراعظم کی چیخیں نکل گئیں
- پولیس یونیفارم پہننے پر مریم نواز کیخلاف کارروائی ہونی چاہیے، یاسمین راشد
- قصور ویڈیو اسکینڈل میں سزا پانے والے 2 ملزمان بری کردیے گئے
- سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
- مرغی کی قیمت میں کمی کیلیے اقدامات کر رہے ہیں، وزیر خوراک پنجاب
- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
- قومی اسمبلی کمیٹیاں؛ حکومت اور اپوزیشن میں پاور شیئرنگ کا فریم ورک تیار
- ٹرین میں تاریں کاٹ کر تانبہ چوری کرنے والا شخص پکڑا گیا
- غزہ کے اسپتالوں میں اجتماعی قبریں، امریکا نے اسرائیل سے جواب طلب کرلیا
- وزارتِ صنعت و پیداوار نے یوریا کھاد درآمد کرنے کی سفارش کردی
- ٹی20 ورلڈکپ؛ 8 بار کے اولمپک گولڈ میڈلسٹ یوسین بولٹ سفیر نامزد
- کہوٹہ؛ بس میں ڈکیتی کے دوران ڈاکو کی فائرنگ سے سرکاری اہلکار جاں بحق
- نوجوان نسل قوم کا سرمایہ
- اسلام آباد میں روٹی کی قیمت میں کمی کا نوٹیفکیشن معطل
- کیا رضوان آئرلینڈ کیخلاف سیریز میں اسکواڈ کا حصہ ہوں گے؟ بابر نے بتادیا
- ویمنز کوالیفائر؛ آئی سی سی نے ثنامیر کو ’’برانڈ ایمبیسڈر‘‘ مقرر کردیا
- پی او بی ٹرسٹ عالمی سطح پر ساڑھے 3لاکھ افراد کی بینائی ضائع ہونے سے بچا چکا ہے
پی ایس ایل 6 میں کئی ریکارڈ الٹ پلٹ گئے
کراچی: پی ایس ایل 6 نے ریکارڈ بک کو الٹ پلٹ کررکھ دیا، 6 ایونٹس میں 5 فاتح سامنے آئے۔
بابر اعظم ایونٹ میں 2 ہزار رنز مکمل کرنے والے پہلے کرکٹر بن گئے، اس بار لیگ میں چھکوں چوکوں کے طوفان نے بھی ماضی کو دھندلا دیا، اسلام آباد یونائیٹڈ نے پاکستان کی ٹی 20 تاریخ کا سب سے بڑا اسکور بنایا، ایمرجنگ بولر شاہنواز دھانی نے دھوم مچائی۔
تفصیلات کے مطابق پاکستان سپر لیگ کے سیزن 2018 اور2019 میں ملتان سلطانز کی ٹیم پلے آف مرحلے تک رسائی حاصل کرنے میں ناکام رہی،تاہم گذشتہ دو سیزنز میں اس کی پرفارمنس میں نکھار آیا، پی سی بی کے مطابق 2020 میں ملتان سلطانز نے 22 میچز میں سے 13 میچ جیتے اور انکی جیت کا تناسب59.09 رہا ان 2 سالوں یہ تناسب کسی بھی دوسری ٹیم کے مقابلے میں سب سے زیادہ ہے، 2020کے سیزن میں سلطانز پوائنٹس ٹیبل کے ٹاپ پر موجود ہونے کے باوجود فائنل میں جگہ بنانے میں ناکام رہے تاہم اس سال پہلی مرتبہ سلطانز نے ٹورنامنٹ جیت لیا حالانکہ گروپ مرحلے پر وہ پہلے 5 میچز میں سے چار ہار چکے تھے۔
پی ایس ایل کے 6 برس میں5 مختلف فاتح نظر آئے، اسلام آباد نے 2 مرتبہ ٹائٹل جیتا، لاہور قلندرز ابھی تک ٹرافی نہیں اٹھاسکے، پشاور زلمی مستقل مزاجی سے مسلسل بہترین کارکردگی پیش کررہے ہیں، وہ ایونٹ کی واحد ٹیم ہے جس نے 4مرتبہ فائنل میں جگہ بنائی، بابر اعظم مسلسل عمدہ پرفارمنس دے رہے ہیں، اس بار انھوں نے 11 اننگز میں 554 رنز اسکور کرکے گذشتہ سیزن کا اپنا ہی 473 رنز بنانے کا ریکارڈ توڑ ڈالا۔ بابر اعظم نے پی ایس ایل میں 2000 رنز بھی مکمل کیے اور اس طر ح لیگ کی تاریخ میں یہ اعزاز حاصل کرنے والے وہ پہلے بیٹسمین بنے ہیں۔
سپر لیگ 6 کے ایڈیشن میں سب سے زیادہ رن ریٹ 8.67 نوٹ کیا گیا یہ ٹورنامنٹ کی تاریخ میں اب تک سب زیادہ رن ریٹ رہا، حالیہ ایڈیشن میں 440 چھکے لگائے گئے جو کہ لیگ کی تاریخ میں ایک ریکارڈ ہے اسطرح اس سیزن میں 1012 چوکے لگائے گئے اس سے قبل 1000 چوکوں کا ریکارڈ درج کیا گیا تھا۔ ملتان سلطانز سے تعلق رکھنے والے 22 سال نوجوان بولر شاہنواز دھانی نے ٹورنامنٹ میں 17.00کی ایوریج کے ساتھ 20 وکٹیں حاصل کیں۔
ٹورنامنٹ کی تاریخ میں ایمرجنگ کھلاڑی کی طرف سے 20 وکٹیں حاصل کرنے کا کارنامہ پہلی مرتبہ انجام دیا گیا۔ اسلام آباد یونائیٹڈ نے 20 اوورز میں 247 رنز بنائے، یہ پاکستان کی ٹی ٹونٹی کی تاریخ کا سب بڑا اسکور تھا اس سے قبل 2010 میں نیشنل ٹی ٹونٹی میں کراچی ڈالفنز نے لاہور وائٹس کے خلاف 243 کا مجموعہ کھڑا کیا تھا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔