- پختونخوا کابینہ؛ ایک ارب 15 کروڑ روپے کا عید پیکیج منظور
- اسلام آباد ہائیکورٹ نے پی ٹی آئی رہنما کو عمرے پرجانے کی اجازت دے دی
- وزیر اعظم نے مشترکہ مفادات کونسل کی تشکیل نو کر دی
- پنجاب گرمی کی لپیٹ میں، آج اور کل گرج چمک کیساتھ بارش کا امکان
- لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
- پشاور؛ بس سے 2 ہزار کلو سے زیادہ مضر صحت گوشت و دیگر اشیا برآمد
- وزیراعلیٰ پنجاب نے نوازشریف کسان کارڈ کی منظوری دے دی
- بھارتی فوجی نے کلکتہ ایئرپورٹ پر خود کو گولی مار کر خودکشی کرلی
- چائلڈ میرج اور تعلیم کا حق
- بلوچستان؛ ایف آئی اے کا کریک ڈاؤن، بڑی تعداد میں جعلی ادویات برآمد
- قومی ٹیم کی کپتانی! حتمی فیصلہ آج متوقع
- پی ایس 80 دادو کے ضمنی انتخاب میں پی پی امیدوار بلامقابلہ کامیاب
- کپتان کی تبدیلی کیلئے چیئرمین پی سی بی کی زیر صدارت اہم اجلاس
- پاکستان کو کم از کم 3 سال کا نیا آئی ایم ایف پروگرام درکار ہے، وزیر خزانہ
- پاک آئرلینڈ ٹی20 سیریز؛ شیڈول کا اعلان ہوگیا
- برج خلیفہ کے رہائشیوں کیلیے سحر و افطار کے 3 مختلف اوقات
- روس کا جنگی طیارہ سمندر میں گر کر تباہ
- ہفتے میں دو بار ورزش بے خوابی کے خطرات کم کرسکتی ہے، تحقیق
- آسٹریلیا کے انوکھے دوستوں کی جوڑی ٹوٹ گئی
- ملکی وے کہکشاں کے درمیان موجود بلیک ہول کی نئی تصویر جاری
قومی سلامتی کمیٹی کا اجلاس، عسکری قیادت کی افغانستان پر بریفنگ
اسلام آباد: قومی سلامتی کمیٹی کا ان کیمرا اجلاس اسپیکر قومی اسمبلی اسد قیصر کی زیر صدارت منعقد ہوا۔ اجلاس میں پارلیمان کو افغانستان، مقبوضہ کشمیر سمیت خطے کی مجموعی صورتحال پر بریفنگ دی گئی۔
ایکسپریس نیوز کے مطابق قومی سلامتی کمیٹی کا 6 گھنٹے طویل ان کیمرا اجلاس قومی اسمبلی ہال میں منعقد ہوا۔ جس میں اعلیٰ سول اور عسکری قیادت سمیت 29 ارکان نے شرکت کی۔
ان میں آرمی چیف جنرل قمر جاوید باجوہ، ڈی جی آئی ایس آئی لیفٹیننٹ جنرل فیض حمید، ڈی جی آئی ایس پی آر لیفٹیننٹ جنرل بابر افتخار، اپوزیشن لیڈر شہباز شریف، چیئرمین پیپلز پارٹی بلاول بھٹو زرداری، چئیرمین سینیٹ، وفاقی وزرا، مشیر اور معاونین شامل تھے۔
پہلے مرحلے میں ڈی جی آئی ایس آئی نے ملک کو درپیش چیلنجز کے حوالے سے تفصیلی بریفنگ دی جبکہ دوسرے مرحلہ سوالات و جوابات کا سلسلہ ہوا۔
یہ پڑھیں : قومی سلامتی کمیٹی اجلاس میں بریفنگ جامع اور اچھی تھی، شہباز شریف
عسکری حکام نے داخلہ، دفاع اور خارجہ امور پر بریفنگ دی۔ ڈی جی آئی ایس آئی نے اجلاس میں ملکی داخلی صورت حال کے علاوہ افغانستان، بھارت اور مقبوضہ کشمیر کی صورت حال پر بریفنگ دی۔
ذرائع کے مطابق اپوزیشن لیڈر شہباز شریف نے سی پیک کے مستقبل، خطے کی موجودہ صورتحال پر سوالات کیے۔ بلاول بھٹو زرداری نے امریکی فوج کے افغانستان سے انخلاء کے بعد کی صورتحال پر سوالات کیے۔
بلاول بھٹو نے اجلاس میں وزیراعظم کی عدم موجودگی پر اعتراض کرتے ہوئے کہا کہ اس اہم موقع پر انہیں شریک ہونا چاہیے تھا۔ وزیر خارجہ شاہ محمود قریشی کا کہنا تھا کہ بطور وزیر خارجہ اور پارٹی وائس چیئرمین، وزیراعظم کی نمائندگی کررہا ہوں۔
ذرائع نے بتایا کہ اجلاس میں افغان مہاجرین کی پاکستان آمد پر بھی بات چیت ہوئی اور طے کیا گیا کہ افغان مہاجرین کی پاکستان آمد پر جامع پالیسی مرتب کی جائے گی۔ افغان مہاجرین کی آمد کے ایرانی ماڈل پر بھی گفتگوہوئی۔ طے کیا گیا کہ افغان مہاجرین کی پاکستان آمد پر خوراک، تعلیم اور دیگر ضروریات متعین کیمپس میں مہیا کی جائیں گی۔
دریں اثنا اجلاس کے دوران پارلیمنٹ ہاؤس کی عمارت کو قومی سلامتی کے اجلاس سے قبل خالی کروایا دیا گیا، سینیٹ سیکرٹریٹ کے ملازمین کو بھی چھٹی دے دی گئی جب کہ ریڈ زون میں بھی غیر متعلقہ افراد کو داخلے کی اجازت نہیں تھی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔