لاہور میں گھر گھر جاکر کورونا ویکسی نیشن کا آغاز

ضلعی انتظامیہ لاہور نے کورونا ویکسین گھر گھر جا کر لگانے کا آغاز کر دیا۔

ڈی سی لاہور مدثر ریاض نے بتایا کہ آج سے باقاعدہ طور پر آغاز کر دیا گیا، پولیو مہم کی طرز پر ٹیمیں گھر گھر جا کر کورونا ویکسین لگائیں گی، روزانہ کی بنیاد پر تقریباً 65 ہزار شہریوں کی ویکسی نیشن ٹارگٹ ہوگا۔

ڈی سی لاہور مدثر ریاض نے کہا کہ 18 سال سے زائد عمر کے افراد کو ویکسین لگانا ہدف ہے، 40 فیصد ویکسی نیشن کا ہدف حاصل کیا جائے گا، شہری کورونا ویکسی نیشن ٹیموں سے بھرپور تعاون کریں اور ویکسین لازمی لگوائیں، اس طرح ہی کورونا سے بچاؤ ممکن ہے۔