معمول کا کام پسند نہیں ہمیشہ معیار کو ترجیح دی غالب کمال

جب بھی کوئی پروجیکٹ کرتا ہوں تووہ لوگوں کو برسوں یاد رہتاہے۔ فوٹو: فائل

---

اداکارغالب کمال نے کہا ہے کہ میں نے ہمیشہ تعداد کی بجائے معیارکوترجیح دی ہے۔

معمول کا کام مجھے پسند نہیں ہے اس لیے کم کم دکھائی دیتاہوں لیکن جب بھی کوئی پروجیکٹ کرتا ہوں تووہ لوگوں کو برسوں یاد رہتاہے۔ ہمارے ہاں ڈائریکٹربے حس ہوچکے ہیں اوروہ معیار پر نہیں بلکہ تعدادپرزیادہ فوکس کرتے ہیں۔ ان خیالات کا اظہار ''ایکسپریس'' سے گفتگوکرتے ہوئے کیا۔ انھوں نے کہا کہ میں نے اداکاری اورمیزبانی کے شعبے میں کام کرتے ہوئے ہمیشہ کوشش کی ہے کہ اس میں حقیقت کا رنگ نمایاں ہوں۔



لیکن ہمارے ہاں اب ان باتوںکا خیال نہیں کیا جاتا۔ یہی وجہ ہے کہ جب کوئی بھی کردارمجھے آفرکیا جاتاہے تومیں اس کاسکرپٹ پڑھنے کے بعد ہی اس کوسائن کرنے کے لیے رضامندی ظاہر کرتا ہوں۔جو کام مجھے پسند نہیں آتا میں وہ کام کبھی نہیں کرتا۔ مجھے اپنے والد اوراپنے نام کی قدروقیمت کا اندازہ ہے اورمیں ایسا کوئی کام نہیں کرسکتا جس سے میرے والد مرحوم محمد کمال کا نام خراب ہو۔