بیرسٹر فروغ نسیم کے بی بی سی کے پروگرام پر شدید تحفظات

اایم کیو ایم کے رہنما فروغ نسیم کی جانب سے بی بی سی کو بھیجے گئے خط کا عکس۔فوٹو:/ایکسپریس نیوز

---

متحدہ قومی موومنٹ کے سینیٹر بیرسٹر فروغ نسیم نے برطانوی نشریاتی ادارے بی بی سی کے پروگرام پر شدید تحفظات کا اظہار کیا ہے اور اس حوالے سے انھوں نے بی بی سی کو ایک خط بھی لکھ دیا ہے۔

بیرسٹر فروغ نسیم نے اپنے خط میں کہا ہے کہ پروگرام کے دوران قائد متحدہ الطاف حسین کی تقاریر کے چند حصے سنائے گئے، سیاسی مخالفین بی بی سی کو غلط معلومات دے رہے ہیں۔



فروغ نسیم نے بی بی سی انتظامیہ سے مطالبہ کیا کہ الطاف حسین کیخلاف کرمنل کیس کی تفصیلات فراہم کی جائیں۔ انھوں نے کہا کہ پروگرام میں بیان کی گئی اس بات سے ہم اتفاق نہیں کرتے کہ ایم کیو ایم کی کراچی میں گرفت کمزور پڑرہی ہے۔خط میں انھوں نے کہا ہے کہ ایم کیو ایم کی قیادت برطانیہ میں ہی رہے گی۔