قومی ورثے کے ایک ایک انچ کی حفاظت کرینگے وزیراعلیٰ

ہمیں فخرہے کہ سندھ دنیاکی تمام تہذیبوں میں قدیم اور عظیم حیثیت رکھتی ہے . فوٹو: فائل

---

وزیراعلیٰ سندھ سیدقائم علی شاہ نے کہاہے کہ موہنجودڑو سندھ کی شاہکارثقافت کا علمبردارہے جس کے ایک ایک انچ کاہرقیمت پرتحفظ کیاجائیگا، موہنجودڑو پرسندھ فیسٹیول کے انعقاد کامقصدبھی پوری دنیاکی توجہ اس قدیم تہذیبی ورثے کوتحفظ دینے اوراس کوعالمی سطح پراجاگرکرناہے۔

ہمیں فخرہے کہ سندھ دنیاکی تمام تہذیبوں میں قدیم اور عظیم حیثیت رکھتی ہے اورسندھ کے لوگ اورپاکستان پیپلزپارٹی اس تہذیب کے تحفظ اورفروغ کیلیے کسی بھی قربانی سے دریغ نہیں کریگی، انھوں نے کہاکہ سندھ فیسٹیول کاموئن جودڑوکی سائٹ پرانعقادپرناقدین اورتنقیدکرنے والے اس سائٹ پرفیسٹیول کے انعقادکی اہمیت، افادیت اورفائدے سے ناآشنا ہیں۔



ہم قدیم تہذیب کے امین ہیں اورپوری دنیا کوبتاناچاہتے ہیں کہ سندھ دھرتی اور سندھ کے لوگ زمانہ قدیم سے مہذب ترقی پسند،پیاراورمحبت کرنے والے اوربھائی چارگی پریقین رکھنے والے ہیں، موہنجو دڑوکی سائٹ پر پروگرام کے لیے تمام تر احتیاطی تدابیراختیار کی گئی ہیں تاکہ اس قدیم تاریخی ورثے کو کوئی بھی نقصان نہ پہنچے۔