- ویسٹ انڈیز ویمن ٹیم کا پاکستان کو ون ڈے سیریز میں وائٹ واش
- کراچی میں ایرانی خاتون اول کی کتاب کی رونمائی، تقریب میں آصفہ بھٹو کی بھی شرکت
- پختونخوا سے پنجاب میں داخل ہونے والے دو دہشت گرد سی ٹی ڈی سے مقابلے میں ہلاک
- پاکستان میں مذہبی سیاحت کے وسیع امکانات موجود ہیں، آصف زرداری
- دنیا کی کوئی بھی طاقت پاک ایران تاریخی تعلقات کو متاثر نہیں کرسکتی، ایرانی صدر
- خیبرپختونخوا میں بلدیاتی نمائندوں کا اختیارات نہ ملنے پراحتجاج کا اعلان
- پشین؛ سیکیورٹی فورسز کی کارروائی میں3 دہشت گرد ہلاک، ایک زخمی حالت میں گرفتار
- لاپتہ کرنے والوں کا تعین بہت مشکل ہے، وزیراعلیٰ بلوچستان
- سائفر کیس میں بانی پی ٹی آئی کو سزا سنانے والے جج کے تبادلے کی سفارش
- فافن کی ضمنی انتخابات پر رپورٹ،‘ووٹوں کی گنتی بڑی حد تک مناسب طریقہ کار پر تھی’
- بلوچستان کے علاقے نانی مندر میں نایاب فارسی تیندوا دیکھا گیا
- اسلام آباد ہائیکورٹ کا عدالتی امور میں مداخلت پر ادارہ جاتی ردعمل دینے کا فیصلہ
- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
کراچی؛ تھانے میں قید 3 نوجوان بازیاب، بچھو بیچنے کے بہانے بلاکر قید کیا گیا
کراچی: محفاظ خود لٹیرے بن گئے،اے سی وی سی پولیس نے نارتھ ناظم آباد تھانے کی چھت پرچھاپہ مارکرکمرے میں قید3 مغوی نوجوانوں کوبحفاظت بازیاب کرکے ان کے اغوا میں ملوث محکمہ پولیس کے2 برطرف پولیس اہلکاروں سمیت 5ملزمان کوگرفتارکرلیا۔
گرفتاراغوا کاروں نے نوجوانوں کو سستے کالے بچھو دلانے کے بہانے بلاکراغوا کیا اور ان کے اہلخانہ سے 50 لاکھ روپے تاوان کا مطالبہ کیا اور 5لاکھ روپے میں ڈیل فائنل کی۔
ایس ایس پی وسطی نے واقعے کانوٹس لیتے ہوئے ایس ایچ اونارتھ ناظم آباد کومعطل کر کے ان کے عہدے میں تنزلی کردی۔
جمعرات اورجمعے کی درمیانی شب اینٹی وائلنٹ کرائم سیل پولیس نے ضلعی وسطی کے نارتھ ناظم آباد تھانے کی چھت پرچھاپہ مارکر3 مغوی نوجوانوں کو بازیاب کرکے ان کے اغوا میں ملوث محکمہ پولیس کے2 برطرف پولیس اہلکار محبوب ، آصف ان کے ساتھی مختار، اسد ریاض اورکاشف کوگرفتارکرلیا گیا۔
ایس ایس پی اے وی سی سی عبدالرحیم شیرانی نے ایکسپریس کوبتایا کہ بازیاب کرائے جانے والے تینوں نوجوان سلیم،شعیب اورعصمت قائد آباد کے رہائشی ہیں اور 23 مارچ سے لاپتہ تھے ۔ گرفتاراغوا کاروں نے مغوی نوجوانوں کوسستا کالا بچھو دینے کے بہانے بلوایا تھا اورنارتھ ناظم آباد بورڈ آفس کے قریب سے اغوا کرلیا اورپھر انہیں نارتھ ناظم آباد تھانے کی چھت پر قائم کمرے میں قید کرلیا۔
انھوں نے بتایا کہ اغوا کاروں نے مغوی نوجوانوں کی رہائی کے لیے ان کے گھروالوں سے 50 لاکھ روپے تاوان کا مطالبہ کیا تھااور 5لاکھ روپے میں ڈیل طے کی گئی ۔ گرفتارملزمان نے اہلخانہ سے تاوان کے 4لاکھ روپے بھی وصول کرلیے۔
اس دوران اے وی سی سی پولیس کو اطلاع ملی جس نے نارتھ ناظم آباد تھانے میں چھت پر چھاپہ مار کرکمرے میں قید کیے گئے تینوں مغوی نوجوانوں کو بازیاب کراکر پانچ اغوا کاروں کوگرفتارکرلیا اور رہائی کے لیے وصول کی جانے والی تاوان کی رقم بھی برآمد کرلی۔
ایس ایس پی اے وی سی سی عبدالرحیم شیرازی نے بتایا کہ تفتیش کے دوران شواہد ملے کہ نوجوانوں کے اغوا کا ایس ایچ او نارتھ ناظم آباد اور ایس ایچ او حیدری کو علم تھا۔
انھوں نے بتایا کہ اے وی سی سی پولیس گرفتاراغوا کاروں سے مزید تفتیش کررہی ہے جس میں اہم انکشافات متوقع ہیں۔ ادھرایس ایس پی ضلع وسطی معروف عثمان نے واردات کا نوٹس لیتے ہوئے ایس ایچ او نارتھ ناظم آباد معید احمد کو معطل کرتے ہوئے اس کے عہدے میں بھی تنزلی کردی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔