- اگلے ماہ مہنگائی کی شرح کم ہو کر 21 سے 22 فیصد کے درمیان رہنے کا امکان
- اقتصادی بحالی اور معاشی نمو کے لیے مشاورتی تھنک ٹینک کا قیام
- اے ڈی ایچ ڈی کی دوا قلبی صحت کے لیے نقصان دہ قرار
- آصفہ بھٹو زرداری بلامقابلہ رکن قومی اسمبلی منتخب
- پشاور: 32 سال قبل جرگے میں فائرنگ سے نو افراد کا قتل؛ مجرم کو 9 بار عمر قید کا حکم
- امیرِ طالبان کا خواتین کو سرعام سنگسار اور کوڑے مارنے کا اعلان
- ماحول میں تحلیل ہوکر ختم ہوجانے والی پلاسٹک کی نئی قسم
- کم وقت میں ایک لیٹر لیمو کا رس پی کر انوکھے ریکارڈ کی کوشش
- شام؛ ایئرپورٹ کے نزدیک اسرائیل کے فضائی حملوں میں 42 افراد جاں بحق
- انٹربینک اور اوپن مارکیٹ میں ڈالر کے مقابلے میں روپیہ مزید مضبوط
- پی ٹی آئی قانونی ٹیم کا چیف جسٹس اور جسٹس عامر فاروق سے استعفی کا مطالبہ
- اہم چیلنجز کا سامنا کرنے کیلیے امریکا پاکستان کے ساتھ کھڑا رہے گا، جوبائیڈن کا وزیراعظم کو خط
- عالمی اور مقامی مارکیٹوں میں سونے کی قیمت میں بڑا اضافہ ہوگیا
- اسٹاک مارکیٹ میں اتار چڑھاؤ کے بعد مندی، سرمایہ کاروں کے 17ارب ڈوب گئے
- پشاور بی آر ٹی؛ ٹھیکیداروں کے اکاؤنٹس منجمد، پلاٹس سیل کرنے کے احکامات جاری
- انصاف کے شعبے سے منسلک خواتین کے اعداد و شمار جاری
- 2 سر اور ایک دھڑ والی بہنوں کی امریکی فوجی سے شادی
- وزیراعظم نے سرکاری تقریبات میں پروٹوکول کیلیے سرخ قالین پر پابندی لگادی
- معیشت کی بہتری کیلیے سیاسی و انتظامی دباؤبرداشت نہیں کریں گے، وزیراعظم
- تربت حملے پر بھارت کا بے بنیاد پروپیگنڈا بے نقاب
پی آئی اے کی غفلت، جدہ سے کراچی آنے والے عمرہ زائرین رُل گئے
کراچی: پی آئی اے کی انتظامی غفلت، جدہ ائیرپورٹ پر سعودی عرب سے کراچی آنے والے عمرہ زائرین رل گئے، پرواز کی منزل روانگی سے ایک گھنٹہ قبل تبدیل کردی گئی۔
ذرائع کے مطابق پی آئی اے کی جدہ سے پاکستان آنے والی پرواز کی منزل اچانک تبدیل کردی گئی، پرواز پی کے 860 سعودی وقت کے مطابق شام 5:40 پر جدہ سے کراچی کے لیے شیڈول تھی، روانگی سے قبل پرواز کو جدہ سے لاہور کردیا گیا۔
پی آئی اے کے اس عجیب وغریب اقدام پر عمرہ زائرین حیران رہ گئے، پرواز سے کراچی آنے والے عمرہ زائرین جدہ حج ٹرمینل کے لاونج میں مذکورہ معاملے پر پریشان دکھائی دیے، مسافروں کے مطابق قومی ائیر لائن کے ائر بس 320 ساختہ طیارے کے ذریعے کراچی آنے والے عمرہ زائرین کی تعداد 150 سے زاٙئد ہے۔
جدہ کراچی کے مسافروں کو دو آپشن دیئے جارہے ہیں کہ یا تو لاہور کی پرواز پر ایڈجسٹ ہوجائیں، لاہور اترنے کے بعد اتوار کی صبح دوسری ڈومیسٹیک پرواز سے کراچی پہنچانے کا عندیہ دیا جارہا ہے۔
پی آئی اے عملے کی جانب سے دوسری صورت میں اتوار کی رات 12 بجے براہ راست کراچی روانہ ہونے والی پرواز کا انتظار کرنے کا کہا گیا، مسافروں کے مطابق جدہ ایئرپورٹ پر پی آئی اے کے ملتان اور کوئٹہ کے مسافروں کو بھی کم وبیش اسی قسم کی صورتحال کا سامنا ہے، پاکستانی مسافر قومی ائرلائن کو دیگر ائرلائنوں پر ترجیح دیتے ہیں، پی آئی اے کا یہ رویہ سمجھ سے بالاتر ہے۔
ترجمان پی آئی اے کا کہنا ہے کہ پی کے860 ناگزیر آپریشنل وجوہات کی بنا جدہ سے کراچی کے بجائے لاہور ری روٹ کرنا پڑی، جدہ سے کراچی جانے والے مسافروں کو کل پی کے 732 کے ذریعے لایا جائے گا۔
ترجمان کا کہنا ہے کہ مسافروں کو ان کے دستیاب نمبرز پر مطلع کیا گیا تھا تاہم جو مسافر اس کے باوجود ایئرپورٹ پر پہنچ گئے ان کو ہوٹل قیام و طعام فراہم کیا جارہا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔