- جسٹس اشتیاق ابراہیم چیف جسٹس پشاور ہائی کورٹ تعینات
- فلاح جناح کی اسلام آباد سے مسقط کیلئے پرواز کا آغاز 10 مئی کو ہوگا
- برف پگھلنا شروع؛ امریکی وزیر خارجہ 4 روزہ دورے پر چین جائیں گے
- کاہنہ ہسپتال کے باہر نرس پر چھری سے حملہ
- پاکستان اور نیوزی لینڈ کا پہلا ٹی ٹوئنٹی میچ بارش کے باعث تاخیر کا شکار
- نو منتخب امیر جماعت اسلامی حافظ نعیم نے اپنے عہدے کا حلف اٹھا لیا
- اقوام متحدہ میں فلسطین کی مستقل رکنیت؛ امریکا ووٹنگ رکوانے کیلیے سرگرم
- راولپنڈی میں گردوں کی غیر قانونی پیوندکاری میں ملوث گینگ کا سرغنہ گرفتار
- درخشاں تھانے میں ملزم کی ہلاکت، سابق ایس پی کلفٹن براہ راست ملوث قرار
- شبلی فراز سینیٹ میں قائد حزب اختلاف نامزد
- جامعہ کراچی ایرانی صدر کو پی ایچ ڈی کی اعزازی سند دے گی
- خیبر پختونخوا میں بیوٹی پارلرز اور شادی ہالوں پر فکسڈ ٹیکس لگانے کا فیصلہ
- سعودی عرب میں قرآنی آیات کی بے حرمتی کرنے والا ملعون گرفتار
- سائنس دان سونے کی ایک ایٹم موٹی تہہ ’گولڈین‘ بنانے میں کامیاب
- آسٹریلیا کے سب سے بڑے کدو میں بیٹھ کر شہری کا دریا کا سفر
- انسانی خون کے پیاسے بیکٹیریا
- ڈی آئی خان میں دہشتگردوں کی فائرنگ سے بچی سمیت 4 کسٹم اہلکار جاں بحق
- سینیٹر مشاہد حسین نے افریقا کے حوالے سے پاکستان کے پہلے تھنک ٹینک کا افتتاح کردیا
- گوگل نے اسرائیل کیخلاف احتجاج کرنے والے 28 ملازمین کو برطرف دیا
- آپریشن رجیم میں سعودی عرب کا کوئی کردار نہیں، عمران خان
بھارت میں انتہائی مطلوب سکھ رہنما نے نامعلوم مقام سے ویڈیو پیغام جاری کردیا
لاہور: بھارت میں خالصتان کے حامی سکھ رہنما امرت پال سنگھ نے شری اکال تخت صاحب کے جتھے دار سے اپیل کی ہے کہ 14 اپریل کو وساکھی کے دن سربت خالصہ یعنی تمام سکھ جتھے بندیوں اورگروپوں کا مشترکہ اجلاس گولڈن ٹمپل امرتسرمیں بلایا جلائے جہاں سکھوں پربھارتی حکومت کے مظالم اور ان کی مشکلات پر بات کی جائے۔
وارث پنجاب دے کے سربراہ امرت پال سنگھ گزشتہ دو ہفتوں سے مفرورہیں اوربھارتی پنجاب کی پولیس ان کی کھوج میں ہے۔ امرت پال سنگھ نے نامعلوم مقام سے اپنا ایک ویڈیو پیغام جاری کیا ہےجس میں انہوں نےکہا ہے کہ بھارتی پولیس انہیں گرفتار نہیں کرسکی ہے اور وہ اس وقت ایک محفوظ مقام پر ہیں۔
امرت پال سنگھ نے کہا کہ رب کی مہربانی سے وہ پولیس کا بہت بڑا گھیراتوڑ کرنکلنے میں کامیاب ہوئے، خدا ان سے کوئی بڑاکام لینا چاہتا ہے اوریقینا اس میں انہیں مشکلات کا بھی سامنا کرنا پڑے گا۔
یہ بھی پڑھیں: بھارتی پنجاب میں امرت پال سنگھ کی گرفتاری کیلئے 4 روز سے انٹرنیٹ بند
انہوں نے سکھوں کے سب سےبڑے سیاسی اورمذہبی مقام شری اکال تخت صاحب کے جتھے دارگیانی ہرپریت سنگھ سے اپیل کی ہے کہ وہ 14 اپریل کو وساکھی کے موقع سربت خالصہ بلائیں جس میں تمام سکھ رہنما شریک ہوں اوراس میں سکھوں کو درپیش مسائل اورمشکلات پر بات کی جائے۔
بھارت میں مختلف سکھ جماعتیں اور گروہ اپنے اپنے مطالبات لیکر احتجاج کرتی ہیں۔ پنجاب (بھارتی) کوبچانے اورسکھوں کی بقا کے لئے سربت خالصہ میں بات ہونی چاہئے۔
Amritpal Singh has shared another video address, adding further context to yesterday's video. He confirmed the video was not made in police custody, he’s speaking freely. He also affirmed that he’s made no demands to the police. Reassured that he wouldn’t flee out of fear but… pic.twitter.com/LDAXe2ihR0
— Khalsa (@_Khalsa_00) March 30, 2023
انہوں نے کہا اس وقت ان کے بہت سے ساتھیوں کو آسام میں قید کیا گیا ہے جبکہ پنجاب کی مختلف جیلوں میں بھی سینکڑوں بیگناہ سکھ نوجوان قید ہیں۔ بھارت کی مودی حکومت جان بوجھ کرسکھوں کو منشیات پر لگارہی ہے اور انہیں ان کی مذہبی پہچان پگڑی،داڑھی اورکرپان سے دور کیا جارہا ہے تاکہ سکھ نوجوان نشے کے عادی ہوکر اپنے حقوق اور خالصتان کی بات نہ کرسکیں۔
یہ بھی پڑھیں: بھارتی سکھوں کا گرفتار نوجوانوں کی رہائی کیلیے حکومت کو 24 گھنٹے کا الٹی میٹم
ذرائع کے مطابق امرت پال سنگھ کی طرف سے گیانی ہرپریت سنگھ کے ذریعے ہتھیارڈالنے اورگرفتاری دینے پر بات چیت ہوئی ہےتاہم اس حوالے سے ابھی فریقن کی طرف سے کسی نے بھی تصدیق یا تردید نہیں کی ہے۔ ذرائع کے مطابق امرت پال سنگھ اپنی شرائط پر ہتھیارڈالنے کا خواہشمند ہے تاہم اس کے لئے وہ شری اکال تخت صاحب کے جتھے دار کی ثالثی چاہتا ہے۔
واضح رہے کہ پولیس کریک ڈاؤن سے قبل 3 مارچ کو امرت پال سنگھ نے 3 اکال تخت کے سربراہ گیانی ہرپریت سنگھ سے ملاقات کی تھی۔ بعد ازاں انڈین پنجاب انٹیلی جنس کے سربراہ جسکرن سنگھ نے بھی 24 مارچ کو ہرپریت سنگھ سے ملاقات کی اورانہوں نے گیانی ہرپریت سنگھ کو مشوری دیا تھا کہ وہ امرت پال سنگھ کو سرنڈر کرنے کا مشورہ دیں۔
علاوہ ازیں امرت پال سنگھ کی ویڈیوسامنے آنے پر بھارتی پنجاب پولیس پر یہ دباؤ ختم ہوگیا ہے کہ امرت پال سنگھ پولیس کی حراست میں ہے جسے کسی نامعلوم مقام پر رکھا گیا ہے۔ امرت پال سنگھ کے اہل خانہ اور حامیوں نے پنجاب پولیس پر انہیں غیر قانونی طور پر حراست میں لینے کا الزام لگاتے ہوئے پنجاب اورہریانہ ہائی کورٹس میں امرت پال سنگھ کی بازیابی کی درخواستیں بھی دائر کررکھی ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔