ریاستی علامات پر حملہ کرنے والے مذاکرات کے حقدار نہیں، وزیراعظم

 اسلام آباد: وزیراعظم شہباز شریف کا کہنا ہے کہ ریاست کی علامتوں پر حملہ کرنے والے مذاکرات کے حقدار نہیں۔

وزیراعظم شہباز شریف نے ٹوئٹر پر بیان میں کہا کہ سیاستدانوں کے بھیس میں شرپسندوں اور آگ لگانے والوں نے ریاستی علامتوں پر حملے کیے ایسے لوگ مذاکرات کے حقدار نہیں۔ ایسے شرپسند عناصر کو ان کے کیے کی سزا ملنی چاہیے۔ جمہوری ممالک میں ایسا ہی ہوتا ہے۔

Dialogue is deeply embedded in the political process, which helps democracy mature & evolve. Many political & constitutional breakthroughs occured when political leaders sat across the table to craft a consensus.

However, there is a major difference here, the anarchists &…

— Shehbaz Sharif (@CMShehbaz) May 30, 2023

وزیراعظم کا کہنا تھا کہ مذاکرات سیاسی عمل کا حصہ ہوتے ہیں جن کی مدد سے جمہوریت پختہ ہوتی اور پروان چڑھتی ہے۔ متعدد سیاسی اور آئینی کامیابیاں مذاکرات کے ذریعے سے ہی حاصل کی جاتی ہیں تاہم سیاست دانوں کے بھیس میں موجود شرپسندوں سے بات چیت نہیں ہوسکتی۔