خواہش ہے جب بھی مارشل لا کا خطرہ ہو عدالتیں کھلی ہوئی ہوں جسٹس اطہر

اگر سابق وزیراعظم عمران خان کو ہٹانے کی کوشش ہوتی تو یہ اسلام آباد ہائی کورٹ کا امتحان ہوتا کہ وہ آئین کے ساتھ کھڑی ہے کہ نہیں، نیویارک میں وکلا سے خطاب

---

سپریم کورٹ کے جج جسٹس اطہر من اللہ نے کہا ہے کہ میں چاہتا ہوں جب بھی مارشل لا کا خطرہ ہو عدالتیں کھلی ہوئی ہوں۔

یہ بات انہوں نے امریکی شہر نیویارک میں ''نیویارک سٹی بار'' سے خطاب کرتے ہوئے کہی۔

انہوں ںے کہا کہ مارشل لا کا ماحول بنایا جارہا ہے میں اس ٹی وی چینل کا نام لینا نہیں چاہتا جس نے ایسا ماحول بنایا ہوا ہے جیسے مارشل لا لگنے والا ہو۔

جسٹس اطہر نے کہا کہ کاش عدالتیں 12 اکتوبر 99ء کو کھلی ہوتیں جب پرویز مشرف نے منتخب وزیراعظم کو باہر پھینکا، کاش یہ عدالتیں پانچ جولائی کو کھلی ہوتیں جب ضیا الحق نے منتخب وزیراعظم کو ہٹایا۔

ان کا کہنا تھا کہ اگر سابق وزیراعظم عمران خان کو غیرآئینی طریقے سے ہٹانے کی کوشش کی جاتی تو یہ بھی امتحان ہوتا اور یہ امتحان اسلام آباد ہائی کورٹ کا ہوتا کہ وہ آئین کی بالادستی کے لیے کھڑی ہوتی کہ نہیں۔