اداکار یاسر نواز نے ساتھی اداکار اور میزبان ساحر لودھی کو ان کی وائرل ویڈیوز پر مزاحیہ انداز میں ٹرول کردیا۔
ان دنوں سوشل میڈیا پر میزبان و اداکار ساحر لودھی کی پاپرازی ویڈیوز سوشل میڈیا پر گردش کر رہی ہیں جو ان کے اپنے انسٹاگرام پر اپ لوڈ ہورہی ہیں۔ ان ویڈیوز پر ساحر لودھی کو شدید ٹرلنگ کا سامنا ہے کیونکہ ویڈیوز میں وہ ایسے ظاہر کرتے ہیں جیسے انہیں معلوم نہیں کہ کوئی ان کی ویڈیو بنانے آرہا ہے جبکہ کمیرہ مین بھی ان کا اپنا ہے اور پوسٹنگ بھی ان ہی کے پیج پر ہورہی ہے۔
جہاں سوشل میڈیا صارفین ساحر لودھی کی ان ویڈیوز پر دلچسپ تبصرے کر رہے ہیں وہیں ساتھی اداکار یاسر نواز نے بھی ان کی ممکری کر کے مزاحیہ انداز میں انہیں ٹرول کیا ہے۔
اس ویڈیو میں دیکھا جاسکتا ہے کہ بیک کیمرہ یاسر کی اہلیہ ندا موجود ہیں جو ویڈیو بنا رہی ہیں جبکہ یاسر نواز ساحر لودھی کی نقل اُتار رہے ہیں اور انکی طرح ظاہر کر رہے ہیں جیسے کوئی اچانک ان کی ویڈیو بنانے آگیا ہے اور وہ بےخبر تھے۔
یاسر نواز کی یہ دلچسپ ویڈیو سوشل میڈیا پر تیزی سے وائرل ہو رہی ہے جس پر صارفین بھی بھرپور تبصرے کررہے ہیں۔
ایک صارف نے لکھا کہ ’ساحر بھائی بھارت میں ایک شخص ہے شاہ رُخ خان وہ آپ کو کاپی کر رہا ہے‘۔
ایک اور صارف نے مزاحیہ انداز میں کہا کہ ساحر لودھی کو ہر طرف کیمرہ مین گھیرنے آجاتے ہیں کوئی انہیں بچائے‘۔
