پریتی کی ممبئی آمد نیس واڈیا کیس پر بات کرنے سے انکار کردیا

میں یہاں فلم فیسٹیول کے لیے آئی ہوں، کیس سے متعلق ممبئی پولیس کمشنر سے پوچھا جائے،پریتی زنٹا

Showbiz Desk October 20, 2014

فلم ’’مردانی ‘‘ میں رانی کی پرفارمنس بہت ہی عمدہ تھی، پریتی زنٹا ۔ فوٹو: اے ایف پی/فائل

KARACHI: ممبئی میں ان دنوں جاری 16ویں ممبئی فلم فیسٹیول میں شریک اداکارہ پریتی زنٹا نے میڈیا سے گفتگو کے دوران اپنے سابق بوائے فرینڈ مشہور بزنس مین نیس واڈیا سے متعلق سوال پر بات کرنے سے انکار کردیا اور صرف اتنا کہا کہ اس کیس سے متعلق آپ ممبئی پولیس کے چیف سے تفصیلات حاصل کرسکتے ہیں۔

پریتی زنٹا نے کہا کہ ''میں یہاں ایک علیحدہ مقصد کے لیے آئی ہیں اور آپ کے لیے یہ بہتر ہوگا کہ آپ اس کیس کے بارے میں ممبئی پولیس کمشنر سے پوچھیں کیونکہ میں بھی انھیں سے پوچھوں گی ''۔ اداکارہ اب سیف علی خان کی نئی فلم ''ہیپی اینڈنگ'' میں نظر آئیں گی' اس پر بات کرتے ہوئے پریتی نے کہا جب اس نے فلم کے ٹریلر میں خود کو دیکھا تو وہ حیران رہ گئی تھیں۔

پریتی نے بتایا کہ ''میں نے یہ فلم کی ہے کیونکہ سیف میرے بہت ہی اچھے دوست ہیں' اس نے کہا اور میں نے ہاں کردی کیونکہ اس سے پہلے اس نے مجھ سے کبھی نہیں کہا تھا اور پھر ٹریلر میں خود کو دیکھ کر حیران رہ گئی تھی جس کی میں توقع نہیں کر رہی تھی''۔ رانی مکھر جی کی ''مردانی '' فلم کے بارے میں بات کرتے ہوئے پریتی نے کہا کہ اس فلم میں رانی کی پرفارمنس بہت ہی عمدہ تھی اور رانی تو اس فلم میں پاور ہاؤس پرفارمر لگ رہی تھیں۔