دیا مرزا نے شادی کی تصاویر سوشل میڈیا پر جاری کردیں

سابق مس ایشیا کی شادی کی تقریب نئی دہلی کے ہوٹل میں ہوئی جس میں ان کے قریبی رشتہ داروں اور دوستوں نے شرکت کی۔

Showbiz Desk October 20, 2014

ساحل سنگھا دیا مرزا کے بزنس پارٹنر ہیں اور دونوں نے رواں برس کے آغاز پر نیویارک میں منگنی کی تھی۔ فوٹو: فائل

بھارتی اداکارہ دیا مرزا ہفتے کو پیا گھر سدھار گئیں، انھوں نے اپنے بزنس پارٹنر ساحل سنگھا کے ساتھ شادی کی ہے جس کی تقریب نئی دہلی میں ہوئی۔

ان کی شادی کی چار روزہ تقریبات اپنے اختتام کو پہنچ گئی تو اس موقع پر دیا مرزا نے اپنے سنگیت اور مہندی کی تقریبات کی تصویر سماجی رابطے کی ویب سائٹ ٹویٹر پر جاری کی ہیں۔ سابق مس ایشیا کی شادی کی تقریب نئی دہلی کے ہوٹل میں ہوئی جس میں ان کے قریبی رشتہ داروں اور دوستوں نے شرکت کی۔

ساحل سنگھا دیا مرزا کے بزنس پارٹنر بھی ہیں اور دونوں کی دوستی پانچ سال پرانی ہے' دونوں نے رواں برس کے آغاز پر نیویارک میں منگنی کی تھی اور ہفتے کے دن آریہ سماج ویڈنگ تقریب گھیتورنی میں فارم ہائوس میں منعقد کی گئی۔ اس موقع پر اگرچہ دیا مرزا ریتو کمار کے ڈیزائن کردہ شاہی لباس میں تھیں تو دوسری طرف دولہا ساحل سنگھا بھی رگھووندر راٹھور کے تیار کردہ لباس میں بہت خوش وضع نظر آ رہے تھے۔