بڑھاپے میں چہل قدمی کی عادت انسان کو جوانوں کی طرح تندرست اورتوانا رکھتی ہے تحقیق

چہل قدمی کی عادت عمر بڑھا نے میں مددگار ثابت ہوتی ہے اور انسان 70 سال کی عمر میں بھی خود کو جوان محسوس کرتا ہے،تحقیق

ویب ڈیسک November 21, 2014

60 اور70 سال کی عمرمیں چہل قدمی کرنے والے انسان نوجوانوں کی طرح توانا رہتے ہیں، تحقیق، فوٹو:فائل

ایک تحقیق سے یہ بات سامنے آئی ہےکہ بڑھاپے میں چہل قدمی کی عادت انسان کی عمر بڑھا نے میں مددگار ثابت ہوتی ہے اور انسان 70 سال کی عمر میں اپنے آپ کو توانا محسوس کرتا ہے۔

چہل قدمی کے ویسے تو بہت سے فوائد ہیں جس کی مدد سے انسان بہت سی بیماریوں سے بچ سکتا ہے لیکن امریکا کی ریاست کولوراڈو کی یونیورسٹی میں کی جانے والی تحقیق میں یہ بات سامنے آئی ہے کہ بڑھاپے میں چہل قدمی کی عادت انسان کی عمر بڑھانے میں مددگار ثابت ہوتی ہے اور عمر بڑھنے کی رفتار کا عمل سست کردیتی ہے جس کی وجہ سے انسان بڑھاپے میں بھی اپنے آپ کو نوجوان کی طرح توانا اورتندرست محسوس کرتا ہے۔

تحقیق کے مطابق جولوگ 60 سے 70 سال کی عمر میں بھی چہل قدمی کی عادت کوجاری رکھتے ہیں وہ ان لوگوں کے مقابلے میں اپنے آپ کو زیادہ تندرست اور توانا محسوس کرتے ہیں جن کو چہل قدمی کی عادت نہیں ہوتی۔