افغانستان سے پاراچنار میں 4 مارٹر گولے فائر

سرحد پار سے فائر کئے گئے گولے پاراچنار کے علاقوں بوڑکی، خرلاچی، شنگگ اور کچ کینہ میں گرے، پولیٹیکل انتظامیہ: فوٹو : فائل

---

افغانستان کی جانب سے پاکستان 4 مارٹر گولے فائر کئے گئے تاہم کوئی جانی نقصان نہیں ہوا۔

ایکسپریس نیوز کے مطابق پولیٹیکل انتظامیہ کا کہنا ہے کہ کرم ایجنسی کے سرحدی علاقوں میں افغانستان سے 4 مارٹر گولے فائر کئے گئے جس سے ایک گھر اور دکان کو نقصان پہنچا تاہم کسی جانی نقصان کی اطلاعات نہیں۔

اس خبرکوبھی پڑھیں: پارا چنار کے مرکزی بازار میں دھماکے سے 24 افراد جاں بحق

پولیٹیکل انتظامیہ کا کہنا ہے کہ سرحد پار سے فائر کئے گئے گولے پاراچنار کے علاقوں بوڑکی، خرلاچی، شنگگ اور کچ کینہ میں گرے۔ شنگک میں گرنے والے گولے سے دکان مکمل طور پر تباہ ہوگئی جب کہ کچ کینہ میں گرنے والے گولے سے ایک گھر کو جزوی نقصان پہنچا تاہم فائر کئے گئے چاروں گولوں سے کسی قسم کا جانی نقصان نہیں ہوا۔

اس خبرکوبھی پڑھیں: افغانستان کی جانب سے جنوبی وزیرستان میں 6 مارٹر گولے فائر