پاکستان پرامن ملک ہے رونالڈینو اوردیگر فٹبالرز کا واپسی پر پیغام

پاکستان ایک پرامن اور محبت کرنے والا ملک ہے، پاک فوج کے سپہ سالار اور پاکستان کا شکریہ، پھر ملیں گے، فٹبالرز کاپیغام : فوٹو : فائل

---

پاکستان کا کامیاب دورہ کرکے واپس جانے والے نامور فٹبالرز نے واپس جاتے ہوئے سوشل میڈیا پر اپنے پیغام میں کہا ہے کہ پاکستان ایک پرامن ملک ہے پھر ملیں گے۔

پاکستان کا دورہ کرنے والے رونالڈینو اور دیگر انٹرنیشنل فٹبالرز و آفیشلز وطن واپس روانہ ہوگئے، رونالڈینو اور ان کے ساتھی پلیئرز و آفیشلز علامہ اقبال انٹر نیشنل ایئرپورٹ لاہور سے نجی پرواز کے ذریعے دبئی کے راستے برازیل روانہ ہوئے۔ اس موقع پر انہوں نے سوشل میڈیا ویب سائٹ ٹوئٹر پر پیغام میں کہا "پاکستان ایک پرامن اور محبت کرنے والا ملک ہے، پاک فوج کے سپہ سالار اور پاکستان کا شکریہ، پھر ملیں گے۔"

Pakistan is peaceful & loving. Thanks #PakArmyChief Thanks #Pakistan See you again... @OfficialDGISPR @LeisureLeaguePK @wgtrunkwala1912

— Ronaldinho (@10Ronaldinho) July 9, 2017

اس سے قبل رونالڈینو نے نمائشی میچ میں گگز سیون کو شکست دینے کے بعد لیژر فٹبال لیگ جیتنے کی ٹرافی ٹویٹر پر شیئرکرتے ہوئے پاکستان کا شکریہ ادا کیا۔

🏆😀 Thanks Pakistan! #🇵🇰 pic.twitter.com/oFqY0rzaeW

— Ronaldinho (@10Ronaldinho) July 9, 2017

دوسری جانب ڈی جی آئی ایس پی آر میجر جنرل آصف غفور نے رونالڈینو اور دیگر پلیئرز کا شکریہ ادا کرتے ہوئے کہا "پاکستان آنے پر آپ کے شکر گزار ہیں، آپ نے دنیا کو بتا دیاکہ پاکستان پرامن اور محبت کرنے والا ملک ہے۔"

Thank you @10Ronaldinho and your fellow players for visiting Pakistan and letting world know that Pakistan is peaceful & loving. Tchau! pic.twitter.com/hC1JweyaQ3

— DG ISPR (@OfficialDGISPR) July 9, 2017

سوشل میڈیا پر مداحوں نے بھی رونالڈینو اور دیگر پلیئرز کے دورہ پاکستان کو سراہتے ہوئے انٹرنیشنل اسپورٹس کی بحالی کیلیے سنگ میل قرار دیا ہے۔