بلین ٹری منصوبے میں ہدف سے زیادہ درخت لگائے عمران خان

یہ واحد منصوبہ ہے جس سے آنے والی نسلوں کوماحولیاتی تبدیلی سے محفوظ کیاجاسکتا ہے، چیئرمین تحریک انصاف۔ فوٹو: فائل

---

چیئرمین تحریک انصاف عمران خان نے کہاہے کہ بلین ٹری منصوبے میں ہدف سے زیادہ درخت لگائے گئے۔

عمران خان نے کہاہے کہ بلین ٹری سونامی اپنی نوعیت کا منفرد منصوبہ ہے جس کے تحت ایک ارب 16 کروڑ درخت لگائے گئے اور 5 لاکھ لوگوں کو روزگار فراہم ہوا۔

چیئرمین تحریک انصاف نے کہا کہ ماحولیاتی تبدیلی سے متاثر ممالک میں پاکستان 7ویں نمبر پر ہے، پنجاب میں راجن پور، چیچہ وطنی،چھانگا مانگا اور کندیاں کے جنگلات ختم ہوچکے ہیں،بدقسمتی سے حکومت پنجاب نے اس اہم ترین مسئلے پر توجہ نہیں دی، یہ واحد منصوبہ ہے جس سے آنے والی نسلوں کوماحولیاتی تبدیلی سے محفوظ کیاجاسکتا ہے۔