نواز شریف کے بچے بھی والد کی طرح ہی جھوٹ بولتے ہیں عمران خان         

شریف خاندان اور اسحاق ڈار نے جتنے جھوٹ بولے ان سب کا بھانڈا پھوٹ گیا،عمران خان فوٹو: فائل

---

پاکستان تحریک انصاف کے چیئرمین عمران خان کا کہنا ہے کہ نواز شریف کے بچے بھی اسی طرح جھوٹ بولتے ہیں جیسے نواز شریف خود بولتے ہیں۔

سماجی رابطے کی سائٹ ٹوئٹر پر چیئرمین تحریک انصاف عمران خان کا کہنا تھا کہ شریفوں کے جھوٹ کی کوئی حد نہیں، ٹی وی پر بیٹھ کر لندن میں جائیدادوں کی ملکیت کے انکار کرنے سے لے کر جعلی دستاویز جمع کروانے تک اولاد بھی والد کے نقش قدم پر چلی ہے۔ نواز شریف کے بچے بھی اسی طرح جھوٹ بولتے ہیں جیسے نواز شریف خود بولتے ہیں۔

بھئی شریفوں کے جھوٹوں کی تو کوئی حد نہیں۔ ٹی وی پر بیٹھ کر لندن جائیدادوں کی ملکیت سے انکار کرنے سے لیکر جعلی دستاویز جمع کروانے تک اولاد بھی والد کے نقش قدم پر چلتی اور اسی طرح دبا کے جھوٹ بولتی ہے جیسے نواز شریف خود بولتے ہیں۔https://t.co/2LJyFl8ZsQ

— Imran Khan (@ImranKhanPTI) March 28, 2018

عمران خان کا کہنا تھا کہ ملکی معیشت کے بارے میں شریفوں اور اسحاق ڈار نے اربوں روپے کے اشتہارات میں جتنے جھوٹ بولے ان سب کا بھانڈا پھوٹ گیا۔

ملکی معیشت کے بارے میں شریفوں اور ڈار نے اربوں روپے کے اشتہارات میں جتنے جھوٹ بولے ان سب کا بھانڈا پھوٹ گیا۔ اس مضمون میں ساری داستان درج ہے کہ کیسے انہوں نے پاکستان کیلئے "اکنامک ہٹ مین" کا کردار ادا کیا اور اسے قرضوں کی بدترین دلدل میں جکڑدیا۔ https://t.co/M4MTCTQBuC

— Imran Khan (@ImranKhanPTI) March 28, 2018

عمران خان نے ٹوئٹر پر لنک شئیر کرتے ہوئے کہا کہ اس مضمون میں ساری داستان درج ہے کہ کیسے انہوں نے پاکستان کے لیے "اکنامک ہٹ مین" کا کردار ادا کیا اور پاکستان کو قرضوں کی بدترین دلدل میں جکڑدیا۔