- ایرانی صدر ابراہیم رئیسی کراچی پہنچ گئے
- مثبت معاشی اشاریوں کے باوجود اسٹاک مارکیٹ میں مندی کا رجحان
- اسلام آبادہائیکورٹ کے فل کورٹ اجلاس میں خط لکھنے والے 6 ججوں کی بھی شرکت
- اقوام متحدہ کے ادارے پر حماس کی مدد کا اسرائیلی الزام جھوٹا نکلا
- نشے میں دھت مسافر نے ایئرہوسٹس پر مکے برسا دیئے؛ ویڈیو وائرل
- سعودیہ سے دیر لوئر آئی خاتون 22 سالہ نوجوان کے ساتھ لاپتا، تلاش شروع
- بیوی کی ناک اور کان کاٹنے والا سفاک ملزم ساتھی سمیت گرفتار
- پنجاب میں پہلے سے بیلٹ باکس بھرے ہوئے تھے، چیئرمین پی ٹی آئی
- ٹریفک وارڈنز لاہور نے ایمانداری کی ایک اور مثال قائم کر دی
- مسجد اقصی میں دنبے کی قربانی کی کوشش پر 13 یہودی گرفتار
- پنجاب کے ضمنی انتخابات میں پولیس نے مداخلت کی، عمران خان
- 190 ملین پاؤنڈز کیس؛ وکلا کی جرح مکمل، مزید 6 گواہوں کے بیان قلمبند
- حکومت تمام اخراجات ادھار لے کر پورا کررہی ہے، احسن اقبال
- لاپتا افراد کا معاملہ بہت پرانا ہے یہ عدالتی حکم پر راتوں رات حل نہیں ہوسکتا، وزرا
- ملائیشیا میں فوجی ہیلی کاپٹرز آپس میں ٹکرا گئے؛ 10 اہلکار ہلاک
- عالمی اور مقامی مارکیٹ میں سونے کی قیمت میں آج بھی بڑی کمی
- قومی ٹیم میں بیٹرز کی پوزیشن معمہ بن گئی
- نیشنل ایکشن پلان 2014 پر عملدرآمد کیلیے سپریم کورٹ میں درخواست دائر
- پختونخوا کابینہ میں بجٹ منظوری کیخلاف درخواست پر ایڈووکیٹ جنرل کو نوٹس
- وزیراعظم کا ٹیکس کیسز میں دانستہ التوا کا نوٹس؛ چیف کمشنر ان لینڈ ریونیو اسلام آباد معطل
ایشین گیمز؛ ہاکی کوچ نے ناقص کارکردگی پر رپورٹ جمع کرا دی
کراچی: ایشین گیمزمیں پاکستان ہاکی ٹیم کی ناقص کارکردگی کے حوالے سے ہالینڈ سے تعلق رکھنے والے ہیڈکوچ رولینٹ اولٹمنز نے اپنی رپورٹ پی ایچ ایف کوجمع کرا دی۔
ذرائع کے مطابق خطیرمشاہرے پر خدمات انجام دینے والے غیرملکی کوچ نے اپنی رپورٹ میں پاکستان ہاکی ٹیم کی ایشین گیمزمیں عبرتناک شکست کی وجوہات اور توجیہات بیان کی ہیں، ان میں مخصوص حالات میں ٹیم گیم کے بجائے انفرادی کھیل اپنانا،کھلاڑیوں کی فزیکل فٹنس میں کمی اور ملنے والے مواقع سے گول نہ کر کے کامیابی کے امکانات کوکھونا بھی شامل ہے۔
ذرائع کے مطابق ڈچ کوچ نے اپنی رپورٹ میں موقف اپنایاکہ انڈونیشیا میں منعقدہ ایشین گیمزکے ہاکی ایونٹ میں پاکستان کے کھلاڑی دوران میچز خاص گیم حالات میں ٹیم گیم کا مظاہرہ کرنے کے بجائے انفرادی کھیل کا مظاہرہ کرتے رہے، ٹیم کمبی نیشن کا فقدان ہوا، پاکستان ہاکی ٹیم نے7 میچز میں46 گول اسکور کیے، میچز میں پاکستان کو مجموعی طور پر 48 پنالٹی کارنرز حاصل ہوئے، تاہم بدقسمتی سے ان میں سے صرف 17 پنالٹی کارنرز سے فائدہ اٹھاتے ہوئے گول اسکورکیے جبکہ 31 پنالٹی کارنرز ضائع کردیے گئے جس کی بنا پرپنالٹی کارنر پرگول کرنے کی شرح 35 فیصد رہی، تاہم یہ امر قابل ذکرہے کہ کامن ویلتھ گیمزکے مقابلے میں ایشین گیمزمیں پنالٹی کارنر پرگول کرنے کی شرح بڑھی۔
اولٹمنز نے اپنی رپورٹ میں لکھا ہے کہ اہم میچز میں گول کرنے کی شرح کم ہوکر صرف 14 فیصد رہ گئی جو کہ اس سطح پر قومی ہاکی ٹیم کیلیے ناکافی ہے، ڈچ کوچ کی رپورٹ کے مطابق پاکستانی فارورڈز نے گول کرنے کے 133 مواقع پیدا کیے جبکہ صرف 27 مواقعوں پرگول کرسکے جو کہ کل مواقعوں کا 20 فیصد ہے جبکہ جاپان کیخلاف سیمی فائنل میں ناکامی سے دوچار ہونے والی پاکستان ہاکی ٹیم کو 9 مواقع ملے جبکہ بھارت کے خلاف اہم میچ میں گرین شرٹس کو12 مواقع ملے جس سے بدقسمتی سے فائدہ نہ اٹھایاجاسکا۔
ماضی میں بھارتی ہاکی ٹیم کی کوچنگ کرنے والے اولٹمنز نے مستقبل میں بہتر نتائج کے لیے اپنی بعض سفارشات بھی پیش کی ہیں جن میں کھلاڑیوں کی فٹنس کو بہتر بنانے کی اشد ضرورت پرزوردیا گیا ہے۔
واضح رہے کہ پاکستان ہاکی ٹیم کے پول میں ورلڈ رینکنگ میں کمزور ترین ٹیمیں شامل تھیں جن میں عالمی رینکنگ میں 86 ویں نمبر والی ٹیم قازقستان کو پاکستان نے 16 گول سے شکست دی، عالمی رینکنگ میں 47 ویں نمبر والی ٹیم تھائی لینڈ کو پاکستان نے10 گول سے ہرایا اور عالمی رینکنگ میں 33 ویں پوزیشن کی حامل اومان کی سائیڈکو پاکستان نے10 گول سے زیر کیا لیکن پاکستان کو عالمی رینکنگ میں 16 ویں نمبر کی ٹیم جاپان کے ہاتھوں 2-1 کی حیرتناک ناکامی کا سامنا رہا۔
بعدازاں عالمی رینکنگ میں 13 ویں پوزیشن پر موجود پاکستان کو 8 ٹیموں کے ایونٹ میں چھٹی پوزیشن پر قناعت کرنا پڑا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔