’جوانی پھر نہیں آنی 2‘ نے صدر عارف علوی کا بھی دل جیت لیا

یہ دیکھ کر بہت خوشی ہورہی ہے کہ پاکستانی سینما بہتری کی جانب بڑھ رہا ہے، صدر عارف علوی فوٹوفائل

---

صدر مملکت ڈاکٹر عارف علوی نے ہمایوں سعید اور فہد مصطفیٰ کی فلم''جوانی پھر نہیں آنی2'' کی تعریف کرتے ہوئے کہا ہے کہ انہیں یہ فلم بہت پسند آئی ہے۔

رواں سال کی سب سے زیادہ بزنس کرنے والی فلم''جوانی پھر نہیں آنی2'' جہاں پاکستانی شائقین کی امیدوں پر پوری اتری ہے وہیں اس فلم نے صدر ڈاکٹر عارف علوی کا دل بھی جیت لیا ہے۔

صدر عارف علوی نے ٹوئٹر پر فلم کی تعریف کرتے ہوئے کہا کہ ''میں نےکل فلم جوانی پھر نہیں آنی2 دیکھی، فلم بہترین ہے، مجھے یہ دیکھ کر بہت خوشی محسوس ہورہی ہے کہ پاکستانی سینما بہتری کی جانب بڑھ رہا ہے اور بہت اچھی تفریح فراہم کررہا ہے۔''

I watched the movie
جوانی پھر نہیں آنی yesterday.
An excellent production. I am glad Pakistan cinema is catching up and creating good entertainment.

— Dr. Arif Alvi (@ArifAlvi) September 27, 2018

واضح رہے کہ''جوانی پھر نہیں آنی2'' پاکستان کی پہلی فلم ہے جو ریلیز سے اب تک 60 کروڑ سے زائد کا بزنس کرچکی ہے۔