امپائر کی غلط گنتی کا خمیازہ مائیکل کلنجرکو بھگتنا پڑگیا

قوانین کی رو سے امپائر کا فیصلہ اپنی جگہ موجود رہا اور کلنجر کو پویلین واپس لوٹنا پڑا

---

مینز بگ بیش میں امپائر کی غلط گنتی کا خمیازہ مائیکل کلنجر کو بھگتنا پڑگیا۔

سڈنی سکسرز کے خلاف میچ میں پرتھ اسکورچرز کی جوابی اننگز میں امپائر مہمان بولر بین دوارشس کی گیندوں کو یاد نہیں رکھ پائے اور انھیں ساتویں گیند کرنے دی جس پر کلنجر تھرڈ مین کی جانب اسٹیو اوکیف کا کیچ بن گئے، براڈ کاسٹر نے اوور 7 گیندوں کا ہونے کی نشاندہی کی تاہم قوانین کی رو سے امپائر کا فیصلہ اپنی جگہ موجود رہا اور کلنجر کو پویلین واپس لوٹنا پڑا۔