موبائل کارڈ پر ٹیکس بحالی کے خلاف سپریم کورٹ میں درخواست دائر

سپریم کورٹ موبائل ٹیکس کٹوتی سے روکنے کا سابق چیف جسٹس کا فیصلہ بحال کرے، درخواست میں استدعا ۔ فوٹو : فائل

---

موبائل کارڈ پر ٹیکس بحالی کے خلاف سپریم کورٹ میں درخواست دائرکردی گئی۔

موبائل کارڈ پر ٹیکس بحالی کے خلاف درخواست آئینی آرٹیکل 184(3) کے تحت ایڈووکیٹ کلثوم خالق نے دائر کی۔ جس میں موقف اپنایا گیا ہے کہ معاملہ براہ راست عوامی مفاد کا ہے، سپریم کورٹ کا موبائل کارڈ پر ٹیکس وصولی سے روکنے کا حکم براہ راست عوامی مفاد میں تھا جبکہ ٹیکس بحال کرنا عوامی مفاد میں نہیں، موبائل کارڈ پر عوام کو پورا بیلنس ملنا چاہیے۔

درخواست میں استدعا کی گئی ہے کہ سپریم کورٹ موبائل ٹیکس کٹوتی سے روکنے کا سابق چیف جسٹس کا فیصلہ بحال کرے۔