سوشل میڈیا پر سنتھ جے سوریا کے انتقال کی جھوٹی خبر پھیل گئی

بدستور اس افواہ کو سوشل میڈیا اور واٹس ایپ پر بھی پھیلا جا رہا ہے۔ فوٹو : فائل

---

ISLAMABAD: سوشل میڈیا پر سنتھ جے سوریا کے انتقال کی جھوٹی خبر پھیل گئی۔

کسی نے غلط خبر پھیلائی کہ جے سوریا کینیڈا میں ایک کار حادثے میں جان کی بازی ہار گئے جس کی تردید خود سابق سری لنکن اوپنر کرچکے ہیں، البتہ بدستور اس افواہ کو سوشل میڈیا اور واٹس ایپ پر بھی پھیلا جا رہا ہے۔

اسی حوالے سے بھارتی اسپنر روی چندرن ایشون نے بھی ٹویٹر پر خبر کی تصدیق چاہی ہے۔ انھوں نے کہاکسی نے مجھے جے سوریا کی موت کے بارے میں واٹس ایپ کیا،کیا یہ خبردرست ہے، جس پر شائقین نے انھیں اصل حقیقت سے آگاہ کیا۔