ہاکی انڈیا کے مستعفی صدر مشتاق کا مذہبی بنیادوں پر امتیازی سلوک کا الزام

محمد مشتاق احمد کو عہدے کی معیاد پوری کرنے کا موقع نہیں ملا اور 7 جولائی کو استعفیٰ دینے پر مجبور کر دیا گیا تھا

Sports Reporter July 14, 2020

دیگر کھیلوں کی تنظیموں کے سربراہ ہندو نام ہونے کی وجہ سے کھل کر اختیارات کے مزے لوٹ رہے ہیں، محمد مشتاق احمد ۔ فوٹو : انٹر نیٹ

ہاکی انڈیا کے مستعفی صدر محمد مشتاق احمد نے مذہبی بنیادوں پر امتیازی سلوک کا الزام عائد کردیا۔

وزارت کھیل کے دباؤ پر محمد مشتاق احمد کو عہدے کی معیاد پوری کرنے کا موقع نہیں ملا اور 7 جولائی کو استعفیٰ دینے پر مجبور کر دیا گیا تھا۔

وزارت کو لکھے گئے 5 صفحات کے خط میں انہوں نے الزام عائد کیا کہ محمد مشتاق احمد نام ہونے کی وجہ سے انہیں امتیازی سلوک کا نشانہ بنایا گیا جب کہ دیگر کھیلوں کی تنظیموں کے سربراہ ہندو نام راجیو، مہتا اور سدھاش وغیرہ ہونے کی وجہ سے کھل کر اختیارات کے مزے لوٹ رہے ہیں۔